’திருட்டுப் பயலே’ மற்றும் ’திருட்டுப் பயலே 2’ உள்பட ஒரு சில வெற்றிப் படங்களை இயக்கிய இயக்குனர் சுசி கணேசன் தற்போது ’திருட்டுப்பயலே 2’ படத்தை ஹிந்தியில் ரீமேக் செய்து வருகிறார். வினித் குமார் சிங் மற்றும் ஊர்வசி ஆகியோர் முக்கிய வேடங்களில் நடித்து வரும் இந்த படத்தின் படப்பிடிப்பு முடிவடைந்து ஏப்ரல் மாதம் ரிலீசுக்கு தயாராக இருந்தது. ஆனால் தற்போது கொரோனா வைரஸ் பிரச்சினை காரணமாக இந்த படத்தின் ரிலீஸ் தேதி தள்ளி வைக்கப்பட்டுள்ளது என்பதும் 21 நாட்கள் ஊரடங்கு உத்தரவு முடிந்த பின்னர் புதிய ரிலீஸ் தேதி அறிவிக்கப்படும் என்றும் கூறப்படுகிறது

இந்த நிலையில் இயக்குனர் சுசி கணேசனின் அடுத்த படம் மெகா பட்ஜெட் படமாக இருக்கும் என்றும் தமிழ் தெலுங்கு மற்றும் ஹிந்தி ஆகிய மூன்று மொழிகளில் உருவாகும் இந்தப் படத்தின் அறிவிப்பு குறித்து ஊரடங்கு உத்தரவு முடிந்த பின்னர் வெளியாகும் என்றும் கூறப்படுகிறது

இந்த மெகா பட்ஜெட் படத்தில் முன்னணி நடிகர்கள் ஒரு சிலர் நடிக்க இருப்பதாகவும் இது குறித்த அறிவிப்பு விரைவில் வெளியாகும் என்றும் தெரிகிறது. இயக்குனர் சுசி கணேசனின் மெகா பட்ஜெட் படம் குறித்த சுவாரஸ்யமான தகவல்கள் விரைவில் வெளியாகும் என்று எதிர்பார்க்கப்படுகிறது