நடிகராக மாறிய இயக்குனர் சுசீந்திரன்
- IndiaGlitz, [Thursday,December 07 2017]
கோலிவுட் திரையுலகில் பல இயக்குனர்கள் நடிகர் அவதாரம் எடுத்துள்ள நிலையில் பிரபல இயக்குனர் சுசீந்திரனும் தற்போது நடிகராக மாறிவிட்டார். ஆம், சுசீந்திரன் நடிக்கும் படத்தின் டைட்டில் மற்றும் இயக்குனர் குறித்த விபரம் இன்று மாலை 6.30 மணிக்கு அதிகாரபூர்வமாக அறிவிக்கப்படவுள்ளது.
இயக்குனர் சுசீந்திரனின் 'நெஞ்சில் துணிவிருந்தால்' திரைப்படம் சமீபத்தில் வெளியாகி பின்னர் திரையரங்குகளில் தூக்கப்பட்டு வரும் 15ஆம் தேதி மீண்டும் ரிலீஸ் ஆகவுள்ளதாக அறிவிக்கப்பட்டுள்ளது.
இந்த நிலையில் ஒரு படத்தில் நடிக்க சுசீந்திரன் ஒப்பந்தமாகியுள்ளார். அவருடன் நடிகர் விக்ராந்த் மற்றும் இயக்குனர் மிஷ்கின் ஆகியோர் அதே படத்தில் முக்கிய வேடங்களில் நடிக்கவுள்ளனர். இந்த படத்தை கல்பத்ரு பிக்சர்ஸ் நிறுவனம் தயாரிக்கவுள்ளது. இந்த படம் குறித்த மேலும் விபரங்களை இன்று மாலை 6.30 மணிக்கு பார்ப்போம்