இயக்குனர் சுசீந்திரனின் ’வெண்ணிலா கபடி குழு 2’, ’கென்னடி கிளப்’, மற்றும் ’சாம்பியன் ஆகிய திரைப்படங்கள் கடந்த ஆண்டு வெளியான நிலையில் இந்த ஆண்டு அவர் இயக்கிய ’ஏஞ்சலினா’ என்ன திரைப்படம் விரைவில் வெளியாக உள்ளது

இந்த நிலையில் சுசீந்திரன் இயக்க உள்ள அடுத்த திரைப்படத்தில் விக்ரம் பிரபு நடிக்க இருப்பதாக செய்திகள் வெளியாகியுள்ளது. விக்ரம் பிரபுவிடம் சமீபத்தில் இயக்குனர் சுசீந்திரன் ஒரு கதை கூறியுள்ளதாகவும் இந்த கதை விக்ரம் பிரபுவுக்கு பிடித்துவிட்டதாகவும், இருவரும் இணையும் இந்தப் படத்தின் படப்பிடிப்பு வரும் மார்ச் மாதம் தொடங்க இருப்பதாகவும் கூறப்படுகிறது

தாய் சரவணன் என்பவர் இந்த படத்தை தயாரிக்கவுள்ளார். குடும்ப சென்டிமென்ட் கலந்த பொழுதுபோக்கு படமாக இந்தப் படம் இருக்கும் என்றும் இந்த படத்தின் அதிகாரபூர்வ அறிவிப்பு இன்னும் ஒரு சில நாட்களில் வெளிவரும் என்று தெரிகிறது