பிரபல இயக்குனர் சுதா கொங்காரா விபத்துக்குள்ளாகி மருத்துவமனையில் படுகாயங்களுடன் அனுமதிக்கப்பட்டுள்ள புகைப்படம் அவரது சமூக வலைதளத்தில் பதிவு செய்யப்பட்டுள்ள நிலையில் ரசிகர்கள் அதிர்ச்சி அடைந்துள்ளனர்.

தமிழ் திரை உலகின் முன்னணி இயக்குனர்களில் ஒருவர் சுதா கொங்காரா என்பதும் அவரது இயக்கத்தில் உருவான சூர்யாவின் ‘சூரரை போற்று’ திரைப்படம் மிகப்பெரிய வெற்றி பெற்றது என்பது தெரிந்ததே.

தற்போது அவர் ‘சூரரை போற்று’ ஹிந்தியில் ரீமேக்கை இயக்கி வருகிறார் என்பதும் அக்சய்குமார் நடிப்பில் உருவாகி வரும் இந்த படம் விரைவில் வெளியாக உள்ளது என்பது குறிப்பிடத்தக்கது.

இந்த நிலையில் திடீரென சுதா கொங்காராவுக்கு விபத்து ஏற்பட்டதை அடுத்து அவரது கையில் காயம் ஏற்பட்டுள்ளது. இதனை அடுத்து மருத்துவமனையில் இருக்கும் புகைப்படத்தை சுதா கொங்காரா தனது சமூக வலைதளத்தில் பதிவு செய்து, ‘அதிக வலி அதிக எரிச்சல், ஒரு மாதம் படப்பிடிப்பிற்கு பிரேக்’ என்று பதிவு செய்துள்ளார். இதனை அடுத்து அவர் விரைவில் குணமாக வேண்டும் என ரசிகர்கள் வாழ்த்து தெரிவித்து வருகின்றனர்.

Super painful. Super annoying! On a break for a month 😒 #NotTheKindOfBreakIWanted pic.twitter.com/AHVR4Nfumf

— Sudha Kongara (@Sudha_Kongara) February 5, 2023