அஜித் நடித்து வரும் 'விவேகம்' படத்தின் ஃபர்ஸ்ட்லுக் நேற்று அதிகாலை வெளிவந்து அஜித் ரசிகர்களின் மாபெரும் வரவேற்பை பெற்றது. ஆனால் இந்த பர்ஸ்ட்லுக்கை ஒருசிலர் அஜித்தின் உடற்கட்டு முழுக்க முழுக்க கிராபிக்ஸ் என்றும் ஹாலிவுட் நடிகரின் உடலில் தல'யின் தலை ஒட்டப்பட்டிருப்பதாகவும் சமூக வலைத்தளங்களில் கமெண்ட் செய்தனர்.

இந்நிலையில் இயக்குனர் சிறுத்தை சிவா பேட்டி ஒன்றில் இதை தெளிவுபடுத்தியுள்ளார். சத்தியமாக இது கிராபிக்ஸ் இல்லை. இதற்கு மேல் நான் எந்த வார்த்தையை பயன்படுத்துவது என்பது எனக்கு தெரியவில்லை. இந்த காட்சியை நான் அஜித்திடம் கூறி அதற்கேற்ப உடற்கட்டை கொண்டு வரவேண்டும் என்று நான் சொன்னவுடன் அஜித் உடனே ஒப்புக்கொண்டார். தினமும் நான்கு மணி நேரம் ஜிம்முக்கு சென்று இந்த உடற்கட்டை கொண்டு வந்தார். அதுமட்டுமின்றி இந்த காட்சிகள் படமாக்கும்போது அதிக சிரத்தை எடுத்து நடித்தார். இந்த உண்மை படம் பார்க்கும்போது அனைவருக்கும் புரியும்' என்று கூறினார்.

இயக்குனர் சிவாவின் இந்த விளக்கத்தை அடுத்து அஜித்தின் உடற்கட்டு குறித்த சந்தேகம் இனி யாருக்கும் ஏற்படாது என்று எதிர்பார்க்கப்படுகிறது.