சிலை வைப்பது அஜித்துக்கு பிடிக்குமா? இயக்குனர் சிவா பதில்
- IndiaGlitz, [Thursday,August 03 2017]
தல அஜித்துக்கு தமிழகத்தில் லட்சக்கணக்கான ரசிகர்கள் இருப்பதும், அஜித் பெயரில் அன்னதானம், சமூக சேவைகள் ஆகியவைகளை அவர்கள் செய்து கொண்டிருப்பதும் தெரிந்ததே.
இந்த நிலையில் நெல்லையில் நூலகத்துடன் கூடிய அஜித்தின் வெண்கல சிலை, கும்பகோணத்தில் அஜித்தின் சிலை ஆகியவை குறித்த செய்திகள் வெளிவந்து கொண்டிருக்கின்றது. அஜித்துக்கு சிலை வைப்பது அவருக்கு தெரியுமா, அதை அவர் விரும்புவாரா? என்பது குறித்த கேள்விகள் எழுந்துள்ள நிலையில் இதுகுறித்து அஜித்தின் மூன்று படங்களை இயக்கிய இயக்குனர் சிவா கருத்து கூறியுள்ளார்.
சிலை வைப்பது அஜித்துக்கு சுத்தமாக பிடிக்காது. அவர் இதை விரும்பவே மாட்டார். அதில் எவ்வித சந்தேகமும் கிடையாது. ரசிகர்களாக இருக்கட்டும், படம் பார்க்க வருபவர்களாக இருக்கட்டும் யாராக இருந்தாலும் அஜித் சொல்வது ஒன்றே ஒன்று தான். அம்மா, அப்பா, செய்யும் தொழில் அது தான் முக்கியம். அது போக தான் மற்ற அனைத்தும் என்று அவர் அடிக்கடி கூறுவார். தன்னுடைய படங்கள் மட்டுமின்றி நல்ல படங்கள் யாருடையதாக இருந்தாலும், திரையரங்கில் போய் பார்த்து சந்தோஷமடைந்து, அதிலிருக்கும் நல்ல விஷயங்களை தங்களுடைய வாழ்க்கையிலும் கடைபிடிக்க வேண்டும் என்பது மட்டுமே அஜித்தின் அறிவுரையாக இருக்கும். இந்த மாதிரி சிலை வைப்பதில் அவருக்கு கண்டிப்பாக உடன்பாடு இருக்காது என்று கூறினார்.