டீசர், டிரைலருக்கு முன் இன்னொரு ஃபர்ஸ்ட்லுக். 'விவேகம்' இயக்குனர் சிவா
- IndiaGlitz, [Tuesday,February 21 2017]
தல அஜித் நடித்து வரும் 'விவேகம்' படத்தின் படப்பிடிப்பு இறுதி கட்டத்தை நெருங்கிவிட்டது. இன்னும் ஒருசில நாட்களில் மீண்டும் பல்கேரியா செல்லவுள்ள 'விவேகம்' படக்குழு அத்துடன் படப்பிடிப்பை முடிக்க உள்ளது.
இந்நிலையில் 'விவேகம்' பட இயக்குனர் சிவா 'கொங்கு பொறியியல் கல்லூரியில் நடந்த விழா ஒன்றில் கலந்து கொண்டு விவேகம் குறித்த ஒருசில தகவல்களை கூறியுள்ளார். 'அனைத்து தரப்பினர்களையும் திருப்தி செய்யும் வகையில் உள்ள ஒரு ஆக்சன் படம்தான் விவேகம். பெரிய பட்ஜெட் படமான இந்த படத்தின் திரைக்கதைக்காக நான் சிறப்பு கவனம் செலுத்தியுள்ளேன். இந்த படத்தில் அஜித்தின் இன்னொரு புதிய லுக் உள்ளது. இந்த லுக், இந்த படத்தின் டீசர் மற்றும் டிரைலருக்கு முன்பு வெளிவரும். இந்த படத்திற்காக இன்னும் ஒருசில பல்கேரிய காட்சிகளின் படப்பிடிப்பு மட்டுமே மீதமுள்ளது' என்று கூறினார்.
அஜித்தின் ஃபர்ஸ்ட்லுக் கிராபிக்ஸ் என்று கூறப்படும் குற்றச்சாட்டு குறித்து கூறிய இயக்குனர் சிவா, 'இது கண்டிப்பாக கிராபிக்ஸ் இல்லை, அஜித் அவர்களின் கடின உழைப்பு என்பதை படம் வெளிவரும் போது அனைவரும் புரிந்து கொள்வீர்கள்' என்று பதிலளித்தார். அஜித் எப்போதுமே 'எண்ணம் போல் வாழ்க்கை' என்பதை கூறுவார். அதை அவர் முழுமையாக நம்புபவரும் கூட' என்று அஜித்தை பற்றி அவர் கூறியுள்ளார்.