அஜீத் நடிப்பில் 'வேதாளம்' படத்தை இயக்கி வரும் சிறுத்தை சிவா, இறுதிக்கட்ட படப்பிடிப்பில் பிசியாக இருக்கும் நிலையில், அவர் இயக்கவுள்ள அடுத்த படம் குறித்த தகவல்கள் வெளிவந்துள்ளது. சிறுத்தை சிவா கூறிய கதை ஒன்று நடிகர் சிவகார்த்திகேயனை கவர்ந்துள்ளதாகவும், விரைவில் சிவா-சிவகார்த்திகேயன் கூட்டணியில் ஒரு படம் உருவாகும் என்று கூறப்படுகிறது.

'ரஜினிமுருகன்' படத்தை அடுத்த சிவகார்த்திகேயன் தற்போது அறிமுக இயக்குனர் பாக்யராஜ் இயக்கும் படத்தில் நடிக்கவுள்ளார். இந்த படத்தை அடுத்து அவர் சிறுத்தை சிவாவுடன் இணைவார் என்று கூறப்படுகிறது.

சிவா-சிவகார்த்திகேயன் இணையும் இந்த படம் ஒரு ஆக்சன் படமாக இருக்கும் என்று கூறப்படுகிறது. இந்நிலையில் அஜீத்தே மீண்டும் சிறுத்தை சிவாவுடன் இன்னொரு படத்தில் நடிக்க விரும்புவதாகவும் செய்திகள் வெளிவந்துள்ளது. மீண்டும் அஜீத்துடன் சிறுத்தை சிவா இணைந்தால் சிவா-சிவகார்த்திகேயன் திரைப்படம் இன்னும் தள்ளிப்போகவும் வாய்ப்பு உண்டு என்று கூறப்படுகிறது.
.