விஜய்யின் அடுத்த படத்தை இயக்குவது சிபி சக்கரவர்த்தியா? அவரே அளித்த விளக்கம்!
- IndiaGlitz, [Sunday,July 31 2022]
சிவகார்த்திகேயன் நடிப்பில் லைகா நிறுவனம் தயாரித்த ’டான்’ திரைப்படம் சமீபத்தில் வெளியாகி மிகப்பெரிய வெற்றி பெற்றது என்பதும் இந்த படம் 100 கோடி ரூபாய் வசூல் செய்து சாதனை செய்தது என்பதும் தெரிந்ததே. இயக்குனர் சிபிசக்கரவர்த்தி இயக்கிய முதல் படமான ‘டான்’ நூறு கோடி ரூபாய் வசூல் செய்ததை அடுத்து அவருக்கு அவருக்கு வாய்ப்புகள் குவிந்து வருவதாக கூறப்பட்டது.
இந்த நிலையில் அட்லியின் உதவி இயக்குனராக இருந்த சிபிசக்கரவர்த்தி ‘தெறி’ ‘மெர்சல்’ உட்பட ஒரு சில படங்களில் பணிபுரியும்போதே விஜய்யுடன் நெருக்கமானதாக கூறப்பட்டது. மேலும் ‘டான்’ திரைப்படத்தை இயக்கிக் கொண்டிருக்கும் போதே அவர் விஜய்யை சந்தித்து கதை கூறியதாகவும் செய்திகள் வெளியானது
இந்த நிலையில் விஜய்யின் அடுத்த படமான ’தளபதி 67’ படத்தை லோகேஷ் கனகராஜ் இயக்க இருக்கும் நிலையில் ’தளபதி 68’ திரைப்படத்தை சிபிச்சக்கரவர்த்தி இயக்குவார் என ஊடகங்கள் மற்றும் சமூக வலைத்தளங்களில் செய்திகள் வெளியானது
இதுகுறித்து விளக்கம் அளித்துள்ள இயக்குனர் சிபி சக்கரவர்த்தி, ‘தற்போது அடுத்த படத்தின் கதையை உருவாக்கி வருவதாகவும், கதை முடிந்த பிறகுதான் அந்த கதைக்கு யார் பொருத்தமாக இருப்பார் என்று முடிவு செய்வேன் என்றும் விஜய்யை வைத்து நான் படம் இயக்க இருப்பதாக வெளிவந்த தகவலில் உண்மை இல்லை என்றும் தெரிவித்துள்ளார். இருப்பினும் விஜய்யின் படத்தை சிபி சக்கரவர்த்தி விரைவில் இயக்க வாய்ப்பு இருப்பதாக கூறப்படுகிறது.