టాలీవుడ్‌లో విషాదం .. క్యాన్సర్‌తో డైరెక్టర్ శరత్ కన్నుమూత
- IndiaGlitz, [Friday,April 01 2022]
తెలుగు చిత్ర పరిశ్రమలో విషాదం చోటు చేసుకుంది. అనారోగ్యంతో దర్శకుడు శంకర్ కన్నుమూశారు. గత కొంత కాలంగా క్యాన్స‌ర్ తో బాధ‌ప‌డుతున్న ఆయన ఆరోగ్యం క్షీణించడంతో.. శుక్రవారం తుదిశ్వాస విడిచారు. హైదరాబాద్‌ లోని ఓ ప్రముఖ ఆస్పత్రిలో మరణించినట్లు తెలుస్తోంది. ఇక శరత్ మృతి వార్త తెలియగానే పలువురు సినీ ప్రముఖులు తీవ్ర దిగ్భ్రాంతి వ్యక్తం చేశారు.
దర్శకుడు శరత్ అవివాహితుడు. దాదాపు 20 చిత్రాల‌కు ద‌ర్శ‌క‌త్వం వ‌హించిన శరత్.. 'డియ‌ర్' న‌వ‌ల ఆధారంగా 'చాద‌స్త‌పు మొగుడు'తో చిత్ర పరిశ్రమకు ఎంట్రీ ఇచ్చారు. బాల‌కృష్ణ‌తో 'వంశానికొక్క‌డు, పెద్ద‌న్న‌య్య, సుల్తాన్, వంశోద్ధార‌కుడు' సినిమాలు తెరకెక్కించారు. ఇక సుమ‌న్ తో 'చాద‌స్త‌పు మొగుడు, పెద్దింటి అల్లుడు, బావ-బావ‌మ‌రిది, చిన్న‌ల్లుడు' సినిమాలు తెర‌కెక్కించాడు శరత్. కృష్ణ‌తో 'సూప‌ర్ మొగుడు' రూపొందించాడు.