స్టార్ డైరెక్ట‌ర్ శంక‌ర్ అన‌గానే జెంటిల్‌మేన్‌, ఒకేఒక్క‌డు, భారతీయుడు, అప‌రిచితుడు, శివాజీ, రోబో వంటి భారీ విజ‌యాల‌ను సాధించిన చిత్రాలే గుర్తుకు వ‌స్తాయి. ఇండియ‌న్ సినిమాకు ద‌క్షిణాది సినిమా రేంజ్‌ను తెలియ‌జేసిన ద‌ర్శ‌కుడు శంక‌ర్ అన‌డంలో సందేహం లేదు.

ఇప్పుడు ఈ ద‌ర్శ‌కుడు త‌న సినిమాల‌కు సీక్వెల్స్‌ను తెర‌కెక్కించ‌డంలో ఫుల్ బిజీగా ఉన్నారు. ర‌జ‌నీకాంత్‌తో చేసిన రోబోకు సీక్వెల్‌గా '2.0'ను తెర‌కెక్కించారు. ఇది ఈ నెల 29న విడుద‌ల‌వుతుంది. క‌మ‌ల్ హాస‌న్‌తో వెంట‌నే భారతీయుడు సీక్వెల్‌గా ఇండియ‌న్ 2ను తెర‌కెక్కించ‌డానికి రంగం సిద్ధం చేసుకున్నారు.

కాగా ఇప్పుడు మ‌రో సీక్వెల్ చేయ‌డానికి శంక‌ర్ రెడీ అయ్యారు. అన్నీ అనుకున్న‌ట్లు కుదిరితే ఒకే ఒక్క‌డు సీక్వెల్ చేయాల‌నుకుంటున్నాడ‌ట‌. ఒకే ఒక్క‌డులో అర్జున్ హీరోగా న‌టించాడు. కాగా ఈ సీక్వెల్‌లో మాత్రం హీరో విజ‌య్ న‌టించ‌బోతారని స‌మాచారం.