என்ன ஒரு கிளைமாக்ஸ்: தினேஷ் கார்த்திக்கை பாராட்டிய ஷங்கர்
- IndiaGlitz, [Monday,March 19 2018]
நேற்று இந்தியாவின் ஹீரோ தினேஷ் கார்த்திக் தான். கிட்டத்தட்ட கைநழுவி போய்விட்ட ஆட்டத்தை தனது அதிரடி ஆட்டம் மூலம் மீட்டெடுத்து இந்தியாவுக்கு வெற்றியை தேடி தந்துள்ளார் தமிழகத்தை சேர்ந்த தினேஷ் கார்த்திக். 8 பந்துகளில் 29 ரன்கள், அதில் 3 சிக்ஸ் மற்றும் இரண்டு பவுண்டரி என தினேஷ் தன்னுடைய வாழ்நாளின் மிகச்சிறந்த ஆட்டத்தை வெளிப்படுத்தியுள்ளார்.
தினேஷுக்கு சச்சின் தெண்டுல்கர், சவுரவ் கங்குலி, ஹர்பஜன் சிங், விராத் கோஹ்லி, அஸ்வின், உள்ளிட்ட பல கிரிக்கெட் பிரபலங்களும், ஷாருக்கான் உள்ளிட்ட பல திரையுலக பிரபலங்களும் வாழ்த்துக்களை தங்களது சமூக வலைத்தளங்கள் மூலம் பதிவு செய்து வருகின்றனர்.
இந்த நிலையில் 2.0 படத்தின் போஸ்ட் புரடொக்சன்ஸ் பணிகளுக்கு இடையே நேற்றைய போட்டியை ரசித்து பார்த்த இயக்குனர் ஷங்கர், தனது சமூக வலைத்தளத்தில் தினேஷூக்கு பாராட்டு தெரிவித்துள்ளார். ''என்ன ஒரு சிறந்த மறக்க முடியாத கிளைமாக்ஸ் பேட்டிங். ஹீரோ தினேஷ் கார்த்திக்குக்கு வாழ்த்துக்கள்'' என்று குறிப்பிட்டுள்ளார்.