హీరోగా మారుతున్న ద‌ర్శ‌కుడు?
- IndiaGlitz, [Monday,September 17 2018]
'పెళ్ళిచూపులు' అనే చిన్న చిత్రాన్ని పెద్ద స‌క్సెస్ చేసిన ద‌ర్శ‌కుడు త‌రుణ్ భాస్కర్. ఆ సినిమా నేష‌న‌ల్ అవార్డ్ సాధించ‌డంతో అంద‌రి దృష్టిని ఆక‌ర్షించాడు. త‌ర్వాత ఈ ద‌ర్శ‌కుడు చేసిన 'ఈ న‌గ‌రానికి ఏమైంది' సినిమా నిర్మాత సురేశ్‌బాబుకి ప్రాఫిట‌బుల్ ప్రాజెక్ట్ అయ్యింది. ఇంత వ‌ర‌కు బాగానే ఉంది.
'మ‌హాన‌టి' చిత్రంలో సింగీతం శ్రీనివాస‌రావు పాత్ర‌లో న‌టించిన త‌రుణ్ భాస్కర్ త్వ‌ర‌లోనే క‌థానాయ‌కుడిగా క‌నిపించ‌బోతున్నాడ‌ని వార్త‌లు విన‌ప‌డుతున్నాయి. విజ‌య్ దేవ‌ర‌కొండ నిర్మాణ సంస్థ‌లో చేయ‌బోయే సినిమాలో త‌రుణ్ భాస్కర్ హీరోగా న‌టిస్తాడ‌ని.. దాన్ని ఓ త‌మిళ ద‌ర్శ‌కుడు డైరెక్ట్ చేస్తాడ‌ని అంటున్నారు. మ‌రి దీనిపై విజ‌య్ దేవ‌ర‌కొండ.. త‌రుణ్ భాస్కర్ ఎలా స్పందిస్తారో చూడాలి.