'நெஞ்சம் மறப்பதில்லை' ரிலீஸ் தேதி தள்ளிவைப்பா?
- IndiaGlitz, [Monday,June 12 2017]
பிரபல இயக்குனர் செல்வராகவன் இயக்கத்தில் எஸ்.ஜே.சூர்யா நடித்த 'நெஞ்சம் மறப்பதில்லை' திரைப்படத்தின் படப்பிடிப்பு மற்றும் போஸ்ட் புரடொக்ஷன்ஸ் முடிந்து ரிலீசுக்கு தயாராக உள்ளது. சென்சாருக்கு சென்று 'யூ/ஏ' சான்றிதழ் பெற்றுள்ள இந்த படம் வரும் ரம்ஜான் திருநாளான ஜூன் 23ல் வெளியாகும் என்று கடந்த சில நாட்களுக்க்கு முன் கூறப்பட்டது.
இந்த நிலையில் இந்த படத்தின் ரிலீஸ் தேதி இன்னும் ஒருசில நாட்கள் தள்ளிப்போக வாய்ப்பு இருப்பதாக கூறப்படுகிறது. ரம்ஜான் திருநாளில் சிம்புவின் 'அன்பானவன் அசராதவன் அடங்காதவன்', ஜெயம் ரவின் 'வனமகன்', சந்தானம் நடித்த 'சர்வர் சுந்தரம்' உள்பட ஒருசில படங்கள் ரிலீஸ் ஆகவுள்ளது என்பது குறிப்பிடத்தக்கது.
எஸ்.ஜே.சூர்யா, ரெஜினா, நந்திதா ஸ்வேதா உள்பட பலர் நடித்துள்ள இந்த திரைப்படத்திற்கு யுவன்ஷங்கர் ராஜா இசையமைத்துள்ளார். பிரபல இயக்குனர் கவுதம் மேனனின் 'ஒன்றாக எண்டர்டெயின்மெண்ட்' நிறுவனம் தயாரித்துள்ள இந்த படத்திற்கு அரவிந்த் கிருஷ்ணா ஒளிப்பதிவும், பிரசன்னா படத்தொகுப்பு பணிகளையும் செய்துள்ளனர்.