சமீபத்தில் வெளியான கமல்ஹாசன் நடித்த ‘விக்ரம்’ படத்தில் வில்லனாக விஜய் சேதுபதி அசத்தி இருப்பார் என்பதும் க்ளைமாக்ஸில் கமல், விஜய் சேதுபதி ஆகிய இருவருக்கும் இடையிலான சண்டை காட்சி மாஸாக இருக்கும் என்பதும் தெரிந்ததே.

இந்த நிலையில் இயக்குனர் சீனு ராமசாமி நமக்கு அளித்த பிரத்யேக பேட்டியில் பதினோரு வருடங்களுக்கு முன்பே கமல்ஹாசனுடன் விஜய் சேதுபதி மோதி உள்ளார் என்று தெரிவித்துள்ளார்.

பதினோரு வருடங்களுக்கு முன்னர் அதாவது 2011ஆம் ஆண்டு கமல்ஹாசனின் ’மன்மதன் அன்பு’ வெளியான நாளில் தான் விஜய் சேதுபதி நடிப்பில் நான் இயக்கிய ’தென்மேற்கு பருவக்காற்று’ படம் ரிலீஸ் ஆனது என்றும் நாங்கள் இருவரும் பைக்கில் உதயம் தியேட்டர் முன் நின்று எங்கள் படத்திற்கு யாராவது டிக்கெட் எடுக்கின்றார்களா? என்பதை ஆர்வத்துடன் பார்ப்போம் என்றும் அவர் கூறினார்.

ஆனால் ’மன்மதன் அம்பு’ படத்திற்கு கூட்டம் நிரம்பி வழிந்தது என்றும் அந்த படத்துக்கு டிக்கெட் கிடைக்காதவர்கள் தான் ’தென்மேற்கு பருவக்காற்று’ படத்தை பார்த்தார்கள் என்றும் அவர் கூறியுள்ளார்.

பதினோரு வருடங்களுக்கு முன்பு கமல்ஹாசனின் கட்-அவுட்டை பிரமிப்பாக பார்த்த விஜய் சேதுபதி இன்று கமல்ஹாசனுடன் இணைந்து நடிக்கும் அளவிற்கு அசுர வளர்ச்சி பெற்றுள்ளது எனக்கு மிகுந்த மகிழ்ச்சி என்றும் அவர் குறிப்பிட்டார். இந்த பேட்டியின் முழு வீடியோ இதோ: