கொரோனா குறித்த விழிப்புணர்வுகளை பல திரையுலக பிரபலங்கள் ஏற்படுத்தி வரும் நிலையில் தேசிய விருது பெற்ற இயக்குனர் சீனுராமசாமியின் பாடல் வரிகளில் என்.ஆர்.ரகுநாதனின் இசையில் செந்தில் தாஸ் குரலில் ஒரு கொரோனா விழிப்புணர்வு பாடல் வெளிவந்துள்ளது. இந்த பாடல் தற்போது சமூக வலைத்தளங்களில் வைரலாகி வரும் நிலையில் இந்த பாடல் வரிகளை தற்போது பார்ப்போம்.

உன்னை காக்கும் நேரமிது
உயிரை காக்கும் நேரமிது
உறவை காக்கும் நேரமிது உன்
நாட்டை காக்கும் நேரமிது

தனித்து இருப்பவனே மனிதன்
பிறரை காக்க நினைப்பவன் புனிதன்
வெளியே போகாதே, உயிரை போக்காதே,
தனியே இருப்பாயே, தலைமுறை காப்பாயே

முத்தம் வேண்டாம், பறக்கும் முத்தம் போதும்
கைகுலுக்க வேண்டாம், கையசைத்தாலே போதும்
கட்டியணைக்க வேண்டாம் யாரையும்
தொட்டு பேச வேண்டாம்
உரையாடல் பருக இரண்டு மீட்டர்
இடைவெளி தருக

சோப்பு நீரில் கை கழுவினால்
கொரோனாவுக்கு சமாதி கட்டலாம்
உயிர் கொல்லிக்கு கொள்ளி வைக்கலாம்
நம் உறவையே காக்கலாம்

வெளியே போகாதே, உயிரை போக்காதே,
தனியே இருப்பாயே, தலைமுறை காப்பாயே
வெளியே போகாதே, உயிரை போக்காதே,
தனியே இருப்பாயே, தலைமுறை காப்பாயே