லேடி சூப்பர் ஸ்டார் நயன்தாரா கலெக்டராக நடித்துள்ள 'அறம்' திரைப்படம் வரும் தீபாவளி தினத்தில் திரையிட திட்டமிட்டிருந்த நிலையில் தற்போது இந்த படம் நவம்பர் 3ஆம் தேதி ரிலீஸ் ஆகும் என்று அறிவிக்கப்பட்டுள்ளது. 

'மெர்சல்' பரபரப்பு முடிந்த பின்னர் இரண்டு வாரங்கள் கழித்து கம்பீரமாக வெளிவரவுள்ள இந்த படத்திற்கு ஏற்கனவே நல்ல எதிர்பார்ப்பு ஏற்பட்டுள்ள நிலையில் பிரபல இயக்குனர் சீனுராமசாமி இந்த படத்திற்கு தற்போது பாசிட்டிவ் விமர்சனம் கொடுத்துள்ளார். அவர் தனது சமூக வலைத்தளத்தில், 'பதைபதைபோடும் நெகிழ்ச்சியோடும் தத்துவபலத்துடன் நான் பார்த்த இயக்குநர் கோபிநயினாரின் நேர்மையான படம் அறம். சகோதரி நயந்தாராவுக்கு ஸ்பெஷல் சல்யூட் என்று கூறியுள்ளார். இதில் இருந்தே இந்த படம் அனைவரும் விரும்பும் படமாக இருக்கும் என்று எதிர்பார்க்கப்படுகிறது

நயன்தாரா, விக்னேஷ், ரமேஷ், சுனுலட்சமி உள்பட பலர் நடித்துள்ள இந்த படத்தை மீஞ்சூர் கோபி இயக்கியுள்ளார். ஜிப்ரான் இசையமைத்துள்ள இந்த படத்திற்கு ஓம்பிரகாஷ் ஒளிப்பதிவும், கோபிகிருஷ்ணா படத்தொகுப்பும் செய்துள்ளனர்