ఎన్టీఆర్ గురించి నేను అలా అన‌లేదంటున్న డైరెక్టర్..!
- IndiaGlitz, [Thursday,December 01 2016]
యంగ్ టైగ‌ర్ ఎన్టీఆర్ జ‌న‌తా గ్యారేజ్ త‌ర్వాత చేయ‌నున్న సినిమా గురించి పూరి, త్రివిక్ర‌మ్, అనిల్ ర‌విపూడి, చందు మొండేటి...త‌దిత‌ర ద‌ర్శ‌కుల పేర్లు వార్త‌ల్లో నిలిచాయి. సింగం 3 ద‌ర్శ‌కుడు హ‌రి కూడా ఎన్టీఆర్ తో త‌దుప‌రి చిత్రం చేయ‌నున్నాడు అంటూ ప్ర‌చారం జ‌రిగింది. అయితే...సింగం 3 ప్ర‌మోష‌న్స్ లో డైరెక్టర్ హ‌రిని ఎన్టీఆర్ తో సినిమా చేయ‌నున్నార‌ని వార్త‌లు వ‌స్తున్నాయి నిజమేనా అని అడిగితే...ఎన్టీఆర్ ఎవ‌రో నాకు తెలియ‌దు. అస‌లు ఎన్టీఆర్ ను నేను ఇప్ప‌టి వ‌ర‌కు క‌ల‌వ‌లేదు అని చెప్పిన‌ట్టుగా వార్త‌లు వ‌చ్చాయి.
ఇదే విష‌యం గురించి డైరెక్టర్ హ‌రిని అడిగితే...అస‌లు నేను అలా అన‌లేదు. ఆ వార్త ఎలా వ‌చ్చిందో తెలియ‌దు. నాకు ఎన్టీఆర్ తో ఎప్ప‌టి నుంచో ప‌రిచ‌యం ఉంది. గ‌తంలో ఎన్టీఆర్ కు ఓ క‌థ కూడా చెప్పాను. ఇంకా చెప్పాలంటే...ఎన్టీఆర్ న‌టించిన అన్ని సినిమాలు త‌ప్ప‌కుండా చూస్తుంటాను. పూరి జ‌గ‌న్నాథ్ ద‌ర్శ‌క‌త్వంలో రూపొందిన టెంప‌ర్ సినిమాని రెండు సార్లు చేసాను. అలాగే జ‌న‌తా గ్యారేజ్ కూడా చూసాను. ఎన్టీఆర్ కి పెద్ద ఫ్యాన్ ని నేను. అలాంటిది ఎన్టీఆర్ ఎవ‌రో నాకు తెలియ‌దు అని ఎలా చెబుతాను అంటున్నాడు అది సంగ‌తి..!