బాహుబ‌లితో ప్యాన్ ఇండియా స్టార్‌గా మారిన ప్ర‌భాస్ ఏక‌ధాటిగా ప్యాన్ ఇండియా సినిమాల‌ను అనౌన్స్ చేస్తున్నాడు. ఇప్ప‌టికే రాధేశ్యామ్ సెట్స్‌పై ఉన్న సంగ‌తి తెలిసిందే. దీంతో పాటు నాగ్ అశ్విన్ ద‌ర్శ‌క‌త్వంలో ఓ సినిమా, ఓంరావుత్ ద‌ర్శ‌క‌త్వంలో తెర‌కెక్క‌నున్న అదిపురుష్ సినిమాల‌ను ఎప్పుడో అనౌన్స్ చేసిన సంగ‌తి తెలిసిందే. తాజాగా కె.జి.య‌ఫ్ ద‌ర్శ‌కుడు ప్ర‌శాంత్ నీల్‌, నిర్మాత విజ‌య్ కిర‌గందూర్ కాంబినేష‌న్‌లో ‘స‌లార్‌’ అనే మ‌రో ప్యాన్ ఇండియా మూవీని అనౌన్స్ చేశాడు. జ‌న‌వ‌రి నుండి ఈ సినిమా సెట్స్‌పైకి వెళ్ల‌నుంది. రాధేశ్యామ్ త‌ర్వాత విడుద‌ల కాబోయేది ఈ సినిమానే. ఇలా ప్ర‌భాస్ మ‌రో ప్యాన్ ఇండియా మూవీని అనౌన్స్ చేయ‌డంతో ఆయ‌న అభిమానులు సంతోషంలో మునిగి తేలుతున్నారు. దీంతో పాటు అస‌లు స‌లార్ అంటే అర్థ‌మేంట‌ని అంద‌రూ వెతుకుతున్నారు.

అయితే ద‌ర్శ‌కుడు ప్ర‌శాంత్ నీల్.. ఫ్యాన్‌ను, ఆడియెన్స్‌ను ఎక్కువ టెన్ష‌న్ పెట్టాల‌నుకోలేదు. అందుక‌నే త‌న ట్విట్ట‌ర్ ద్వారా ‘స‌లార్‌’కు అర్థం చెప్పేశాడు. ‘స‌లార్‌’ అంటే రాజుకు కుడి భుజంలాంటి వ్య‌క్తి.. సైనాధ్యిప‌తి అనొచ్చు అంటూ ప్ర‌భాస్‌తో త‌ను చేయ‌బోతున్న సినిమా టైటిల్‌కు వివ‌ర‌ణ ఇచ్చుకున్నాడు ప్ర‌శాంత్ నీల్‌.