பாஜகவில் இணைந்த அஜித்-விஜய் பட இயக்குனர்
- IndiaGlitz, [Saturday,February 01 2020]
மத்தியில் ஆட்சி செய்து வரும் பாரதிய ஜனதா கட்சியில் கடந்த சில மாதங்களாக திரையுலகை சேர்ந்தவர்கள் மற்றும் விளையாட்டு வீராங்கனைகள் இணைந்து வருகின்றனர் என்பதை அவ்வப்போது பார்த்து வருகிறோம். சமீபத்தில் கூட நடிகர் ராதாரவி, பேட்மிண்டன் வீராங்கனை சாய்னா நேவால் உள்பட பலர் அக்கட்சியில் இணைந்தனர் என்பது தெரிந்ததே.
இந்த நிலையில் அஜித் நடித்த ’திருப்பதி’, விஜய் நடித்த ’சிவகாசி’ ’திருப்பாச்சி’ உள்பட பல வெற்றிப் படங்களை இயக்கிய இயக்குனர் பேரரசு திடீரென என்று பாஜகவின் தன்னை இணைத்துக் கொண்டார்.
முன்னாள் மத்திய இணை அமைச்சர் பொன் ராதாகிருஷ்ணன் அவர்களை சந்தித்த இயக்குனர் பேரரசு பாஜகவின் உறுப்பினர் அட்டையை அவரிடமிருந்து பெற்றுக் கொண்டார். இதனை அடுத்து பாஜகவில் இணைந்த மற்றொரு நட்சத்திர பட்டியலில் பேரரசு இணைந்துள்ளார் என்பது குறிப்பிடத்தக்கது. நட்சத்திரங்களின் இணைப்பால் பாஜக தமிழகத்தில் வலிமை பெறுமா? என்பதை பொறுத்திருந்து பார்ப்போம்.