இயக்குனர் நெல்சன் மனைவி, மகனை பார்த்ததுண்டா, இதோ வைரல் புகைப்படம்!
- IndiaGlitz, [Tuesday,March 16 2021]
லேடி சூப்பர் ஸ்டார் நயன்தாரா நடித்த ’கோலமாவு கோகிலா’ என்ற திரைப்படத்தின் மூலம் இயக்குனராக அறிமுகமானவர் நெல்சன். இந்த திரைப்படம் மிகப்பெரிய வெற்றி பெற்றதையடுத்து தற்போது அவர் சிவகார்த்திகேயன் நடித்துள்ள ’டாக்டர்’ என்ற படத்தை இயக்கி முடித்துள்ளார். இந்த படம் வரும் ரம்ஜான் பண்டிகையின்போது வெளியாகவுள்ளது.
மேலும் அவர் விஜய் நடிக்க உள்ள ’தளபதி 65’ படத்தையும் இயக்க உள்ளார் என்பதும் இந்த படத்தின் படப்பிடிப்பு விரைவில் தொடங்க உள்ளது என்பதும் குறிப்பிடத்தக்கது. இயக்குனர் நெல்சனுக்கு மூன்றாவது திரைப்படமே தளபதி விஜய்யின் திரைப்படத்தை இயக்கும் வாய்ப்பு கிடைத்ததை பார்த்து திரையுலகமே ஆச்சரியத்தில் மூழ்கி உள்ளது என்பது குறிப்பிடத்தக்கது.
இந்த நிலையில் நேற்று நடந்த திருமண விழா ஒன்றில் சிவகார்த்திகேயன் உள்பட பல நட்சத்திரங்கள் கலந்து கொண்டனர். இந்த விழாவில் இயக்குனர் நெல்சனும் கலந்துகொண்டார். அவருடன் அவருடைய மனைவி மற்றும் மகனும் இருந்தனர் என்பதும் இது குறித்த புகைப்படம் தற்போது வைரலாகி வருகிறது என்பதும் குறிப்பிடத்தக்கது. இயக்குநர் செல்சனின் மனைவி மகனை இதுவரை பார்த்திராத ரசிகர்கள் இந்த புகைப்படத்தை பார்த்து அவர்களை வாழ்த்தி வருகின்றனர்.