கவின் நடிக்கும் 'பிளடி பெக்கர்'.. சூப்பர் அப்டேட் கொடுத்த இயக்குனர் நெல்சன்..!
- IndiaGlitz, [Saturday,October 05 2024]
கவின் நடிப்பில், நெல்சன் தயாரிப்பில் உருவாகி வரும் ‘பிளடி பெக்கர்’ என்ற படத்தின் படப்பிடிப்பு முடிவடைந்து, தொழில்நுட்ப பணிகள் தற்போது விறுவிறுப்பாக நடைபெற்று வருகின்றன. மேலும், இந்த படம் வரும் தீபாவளி அன்று, அதாவது அக்டோபர் 31ஆம் தேதி வெளியாகும் என்று ஏற்கனவே அறிவிக்கப்பட்ட நிலையில், மற்ற பணிகள் இரவு பகலாக நடைபெற்று வருவதாக கூறப்படுகிறது.
இந்த நிலையில், இந்த படத்தின் பிரமோஷன் பணிகளை தொடங்க, படக்குழுவினர் திட்டமிட்டுள்ள நிலையில், இயக்குநர் நெல்சன் தனது சமூக வலைத்தளத்தில் தற்போது சூப்பர் அறிவிப்பு ஒன்றை வெளியிட்டுள்ளார். அதாவது, ‘பிளடி பெக்கர்' படத்தின் வீடியோ அக்டோபர் 7ஆம் தேதி மாலை 6 மணிக்கு வெளியாகும் என்று அறிவித்துள்ளார்.
ஏற்கனவே, கடந்த மாதம் இந்த படத்தின் முதல் சிங்கிள் பாடல் வெளியாகி, இணையத்தில் வைரலான நிலையில், தற்போது புரமோஷன் வீடியோ வெளியாக இருப்பதை கவின் ரசிகர்கள் கொண்டாடி வருகின்றனர்.
சிவபாலன் முத்துக்குமார் இயக்கத்தில் உருவாகி வரும் இந்த படத்திற்கு ஜென் மார்ட்டின் இசையமைத்துள்ளார். இந்த படம், கவினின் இன்னொரு வெற்றி படமாக இருக்கும் என்று எதிர்பார்க்கப்படுகிறது.
Ketta paiyan sirrr Indha beggar 😃
— Nelson Dilipkumar (@Nelsondilpkumar) October 5, 2024
#Beggarpeek on 7th OCT @6pm#BloodyBeggar from Diwali pic.twitter.com/SPPVJ5dLv1