ఆ డైరెక్ట‌ర్ కి కొరియోగ్రాఫ‌ర్స్ అవ‌స‌రం లేదు
- IndiaGlitz, [Friday,April 15 2016]
కొరియోగ్రాఫ‌ర్స్ అవ‌స‌రం లేని ఆ డైరెక్ట‌ర్ ఎవ‌ర‌నుకుంటున్నారా..? యువ ద‌ర్శ‌కుడు అనిల్ రావిపూడి. నంద‌మూరి క‌ళ్యాణ్ రామ్ క‌థానాయ‌కుడుగా ప‌టాస్ సినిమాని తెర‌కెక్కించి తొలి ప్ర‌య‌త్నంలోనే విజ‌యం సాధించాడు. ద్వితీయ ప్ర‌య‌త్నంగా అనిల్ రావిపూడి సాయిధ‌ర‌మ్ తేజ్ తో సుప్రీమ్ సినిమా తెర‌కెక్కించాడు. దిల్ రాజు నిర్మించిన సుప్రీమ్ ఈ స‌మ్మ‌ర్ లో ప్రేక్ష‌కుల ముందుకు వ‌చ్చేందుకు రెడీ అవుతుంది. సినీ ప్ర‌ముఖులు, అభిమానుల స‌మ‌క్షంలో జ‌రిగిన సుప్రీమ్ ఆడియో ఫంక్ష‌న్ లో హీరో సాయిధ‌ర‌మ్ తేజ్, హీరోయిన్ రాశీ ఖ‌న్నా క‌ల‌సి డాన్స్ చేస్తార‌ని దిల్ రాజు ఎనౌన్స్ చేసారు.
డాన్స్ అద‌ర‌గొట్టే తేజు సైతం స్టేజ్ పై డాన్స్ చేయ‌డానికి కాస్త సిగ్గుప‌డుతూ ఇబ్బంది ప‌డ్డాడు. తేజు - రాశీ చిన్న స్టెప్ వేసి అయిపోయింది అనిపించేసారు. కానీ..మ్యూజిక్ మాత్రం ఆప‌లేదు. అప్పుడు డైరెక్ట‌ర్ అనిల్ రావిపూడి ఎంట్రీ ఇచ్చి తాడుని లాగుతున్న‌ట్టు అనిపించే చిరు స్టెప్ వేసి అద‌ర‌గొట్టేసాడు. అన్నం ఉడికిందో లేదో తెలుసుకోవ‌డానికి ఒక్క మెతుకు చూసి చెప్పేస్తాం. అలాగే అనిల్ లో ఎంత మంచి డాన్స‌ర్ ఉన్నాడో చెప్ప‌డానికి ఈ స్టెప్ చాలు. సో...డైరెక్ట‌ర్ అనిల్ రావిపూడి త‌న సినిమాల‌కు డాన్స్ డైరెక్ట‌ర్స్ అవ‌స‌రం లేకుండా త‌నే కొరియోగ్ర‌ఫీ కూడా చేస్తే బాగుంటుంది. ఏదో ఒక సినిమాకి కొరియోగ్ర‌ఫీ చేసేస్తాడు. ఎందుకంటే అనిల్ మ‌ల్టీటాలెంటెడ్.