அஜித் படம் நிறுத்தப்பட்டது எதனால் தெரியுமா? ஒரு இயக்குனரின் மனவலி
Tuesday, January 24, 2017 • தமிழ்
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com
Send us your feedback to audioarticles@vaarta.com
ஆர்யா நடித்த 'ஒரு கல்லூரியின் கதை' மற்றும் 'மாத்தி யோசி', அழகன் அழகி போன்ற படங்களை இயக்கியவர் இயக்குனர் நந்தா பெரியசாமி. இவர் ஒருசில படங்களில் நடித்தும் உள்ளார்.
ஆனால் நந்தா இயக்கிய முதல் படம் அஜித் நடித்த 'மகா' படம் என்றும், அந்த படம் எதிர்பாராத காரணத்தால் நின்றுபோனதாகவும் சமீபத்தில் தனது சமூக வலைத்தளத்தில் தெரிவித்துள்ளார்.
அஜித் முதன்முதலில் போலீஸ் கேரக்டரில் நடித்த 'மகா' படத்தை தான் இயக்கியதாகவும், இந்த படத்தின் படப்பிடிப்பின்போது அஜித் காயம் அடைந்ததால் படப்பிடிப்பு தள்ளி வைக்கப்பட்டதாகவும் நந்தா கூறியுள்ளார். பின்னர் மீண்டும் அஜித் குணமாகி படப்பிடிப்பு நடக்க இருந்த நிலையில் அவருக்கும், அந்த படத்தின் தயாரிப்பாளருக்கும் ஏற்பட்ட கருத்துவேறுபாடு காரணமாக 'மகா' படம் 12 நாட்கள் படப்பிடிப்புடன் நின்றுவிட்டதாகவும் அவர் கூறியுள்ளார்.
ஒளிப்பதிவாளர் ஜீவா, பாலகுமாரன், வைரமுத்து, ஹாரிஸ் ஜெயராஜ், கனல் கண்ணன், தோட்டா தரணி என பெரிய கூட்டணி கிடைத்தும் படம் தொடராமல் போனதால் தனது கனவு கலைந்துவிட்டதாகவும், ஒருவேளை அந்த படம் தன்னுடைய முதல் படமாக இருந்திருந்தால் தனது கிராப் வேறு மாதிரி இருந்திருக்கும் என்றும் அவர் தனது சமூக வலைத்தளத்தில் மனவலியுடன் பதிவு செய்துள்ளார்.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Follow
More News
Headlines
Comments