இணையத்தில் வைரலாகும் மாரி செல்வராஜின் 2வது குழந்தை!
- IndiaGlitz, [Friday,March 12 2021]
பரியேறும் பெருமாள் என்ற திரைப்படத்தின் மூலம் இயக்குனராக அறிமுகமானவர் மாரி செல்வராஜ் என்பது தெரிந்ததே. அந்த திரைப்படம் மிகப் பெரிய வெற்றி பெற்றது மட்டுமின்றி உலகம் முழுவதும் அந்தத் திரைப்படத்திற்கு மிகப்பெரிய வரவேற்பு கிடைத்தது என்பதும் விருதுகளை குவித்தது என்பதும் தெரிந்ததே
இந்த நிலையில் தற்போது தனுஷ் நடித்த ’கர்ணன்’ என்ற திரைப்படத்தை இயக்கி முடித்துள்ள மாரி செல்வராஜ் அடுத்ததாக துருவ் விக்ரம் உள்ள திரைப்படம் ஒன்றை இயக்கவுள்ளார் என்பது குறிப்பிடத்தக்கது
இந்த நிலையில் மாரி செல்வராஜ் மற்றும் திவ்யா தம்பதிக்கு ஏற்கனவே ஒரு குழந்தை இருக்கும் நிலையில் சமீபத்தில் அவருடைய மனைவி கர்ப்பமாக இருந்ததாக புகைப்படங்கள் வெளிவந்தது என்பது தெரிந்ததே. இந்த நிலையில் தற்போது அவருக்கு இரண்டாவது குழந்தை பிறந்துள்ளது. அந்த இரண்டாவது குழந்தையை அவர் கையில் தூக்கி வைத்து உள்ளவாறு புகைப்படம் ஒன்று சமூக வலைத்தளத்தில் வைரலாகி வருகிறது
இதனை அடுத்து மாரி செல்வராஜ் மற்றும் திவ்யா தம்பதிக்கு வாழ்த்துக்கள் குவிந்து வருகிறது என்பது குறிப்பிடத்தக்கது.