தளபதி விஜய்யின் பிறந்தநாள் கடந்த ஜூன் மாதம் கொண்டாடப்பட்ட நிலையில் அவருடைய பிறந்தநாளை ஒட்டி இந்த ஆண்டு முழுவதும் நூற்றுக்கணக்கான ஏழை மக்களுக்கு இலவச உணவு அளிக்கும் வகையில் ’விலையில்லா விருந்தகம் என்ற பெயரில் உணவகங்களை விஜய் ரசிகர்கள் ஆங்காங்கு ஏற்பாடு செய்துள்ளார்க்ள்.

சென்னையிலும் வடசென்னையில் உள்ள கொருக்குப்பேட்டையில் விஜய் ரசிகர்களின் இந்த விலையில்லா விருந்தகம் அமைந்துள்ளது என்பதை ஏற்கனவே பார்த்தோம். இங்கு தினமும் காலை காலை 7.35 மணி முதல் 8.35 மணி வரை 109 பேர்களுக்கு விலையில்லா உணவு வழங்கப்பட்டு வருகிறது என்பதும் குறிப்பிடத்தக்கது

விஜய் ரசிகர்களின் இந்த விலையில்லா விருந்தகத்தால் தமிழகம் முழுவதும் பலர் பயனடைந்து வருவதை அடுத்து இந்த விலையில்லா விருந்தகத்தின் ஒரு நாள் உணவு செலவை பலர் ஏற்றுக்கொண்டு வருகின்றனர். அந்த வகையில் பிரபல திரைப்பட இயக்குனர் எம்.முத்தையா மதுரையில் உள்ள தளபதி விஜய்யின் விலையில்லா விருந்தகத்திற்கு ஒருநாள் உணவுக்கான செலவை ஏற்றுக் கொண்டுள்ளார். எம்.முத்தையா போலவே பலரும் ஒரு நாள் உணவுச் செலவை ஏற்றுக்கொள்ள முன்வந்தால் இந்த திட்டம் ஒரு ஆண்டு முழுவதும் வெற்றிகரமாக நடைபெறும் என்று எதிர்பார்க்கப்படுகிறது.