'தளபதி 64' படத்தின் இயக்குனர் பட்டியலில் இளம் இயக்குனர்!
- IndiaGlitz, [Monday,May 13 2019]
தளபதி விஜய் நடித்து வரும் 'தளபதி 63' படத்தின் படப்பிடிப்பு கடந்த சில மாதங்களாக விறுவிறுப்புடன் நடந்து வரும் நிலையில் இந்த படத்தின் படப்பிடிப்பு இறுதிக்கட்டத்தை நெருங்கிவிட்டதாகவும், ஜூன் அல்லது ஜூலையில் இந்த படத்தின் படப்பிடிப்பு முடிந்துவிடும் என்றும் எதிர்பார்க்கப்படுகிறது
இந்த நிலையில் விஜய் நடிக்கவுள்ள அடுத்த படமான 'தளபதி 64' படத்தை இயக்கும் இயக்குனர் யார்? என்ற கேள்வி கடந்த சில நாட்களாக கோலிவுட்டில் வலம் வந்து கொண்டிருக்கின்றது. ஜெயம் ராஜா உள்பட ஒருசில முன்னணி இயக்குனர்கள் விஜய்யின் அடுத்த படத்தை இயக்க வாய்ப்பு இருப்பதாக கூறப்படுகிறது
இந்த நிலையில் 'மாநகரம்' என்ற ஹிட் படத்தை இயக்கிய இளம் இயக்குனர் லோகேஷ் கனகராஜ், தளபதி விஜய்யின் அடுத்த படத்தை இயக்கும் இயக்குனர்கள் பட்டியலில் இணைந்துள்ளார். இவர் தற்போது கார்த்தி நடித்து வரும் 'கைதி' என்ற படத்தை இயக்கி வருகிறார் என்பது குறிப்பிடத்தக்கது. லோகேஷின் மூன்றாவது படமே தளபதியின் படமாக அமையுமா? என்பதை பொறுத்திருந்து பார்ப்போம்