கடந்த 2003ஆம் ஆண்டு 'ஜெயம்' படத்தில் தமிழில் அறிமுகமான ஜெயம் ரவி 16 ஆண்டுகளில் பல வெற்றிப்படங்களை கொடுத்து தற்போது 25வது படம் என்ற மைல்கல்லை எட்டியுள்ளார். இவர் நடிக்கும் 25வது படத்தை இயக்குனர் லட்சுமணன் இயக்கவுள்ளார். இவர் ஏற்கனவே ஜெயம் ரவி நடித்த 'ரோமியோ ஜூலியட்' மற்றும் 'போகன்' திரைப்படங்களை இயக்கியவர் என்பது குறிப்பிடத்தக்கது.

இந்த படத்திற்கு டி.இமான் இசையமைக்கவுள்ளார். இதற்கு முன்னர் ஜெயம் ரவி நடித்த 'டிக் டிக் டிக்' படத்திற்கு டி.இமான் இசையமைத்துள்ளார் என்பதும் இந்த படம் இமானின் 100வது படம் என்பதும் குறிப்பிடத்தக்கது.

ஜெயம் ரவியின் 25வது படத்தை ஹோம் மூவி மேக்கர்ஸ் நிறுவனம் தயாரிக்கவுள்ளது. இந்நிறுவனம் ஏற்கனவே ஜெயம் ரவி நடித்த 'அடங்கமறு' திரைப்படத்தை தயாரித்துள்ளது என்பது குறிப்பிடத்தக்கது. இந்த படத்தில் ஜெயம் ரவிக்கு ஜோடியாக நடிக்கும் நடிகை உள்பட நட்சத்திரங்கள் தேர்வு நடைபெற்று வருவதாகவும் விரைவில் இதுகுறித்த அறிவிப்பு வெளியாகும் என்றும் கூறப்படுகிறது.

இந்த நிலையில் ஜெயம் ரவி தற்போது 'கோமாளி' என்ற படத்தில் நடித்து வருகிறார். பிரதீப் ரெங்கநாதன் இயக்கியுள்ள இந்த படத்தில் ஜெயம் ரவிக்கு ஜோடியாக காஜல் அகர்வால் நடித்துள்ளார்.