ஓபிஎஸ் அவர்களுக்கு நேரில் சென்று ஆதரவளித்த எம்ஜிஆரின் கலையுலக வாரிசு
- IndiaGlitz, [Thursday,February 09 2017]
புரட்சி தலைவர் எம்ஜிஆர் அவர்களால் தனது கலையுலக வாரிசு என்று அறிவிக்கப்பட்டவர் பிரபல இயக்குனர் கே.பாக்யராஜ். அதிமுகவில் சில ஆண்டுகள் பணியாற்றியவர். தற்போது அரசியலில் இருந்து ஒதுங்கி இருந்தாலும், அரசியலை கூர்ந்து கவனித்து வருபவர்.
இந்நிலையில் தற்போது தமிழகத்தில் ஏற்பட்டுள்ள அசாதாரண சூழ்நிலையில் தனது ஆதரவை முதல்வர் ஓபிஎஸ் அவர்களுக்கு கே.பாக்யராஜ் தெரிவித்துள்ளார்.
நேற்று ஓபிஎஸ் அவர்களை நேரில் சந்தித்து பேசிய கே.பாக்யராஜ், தன் ஆதரவு என்றும் அவருக்கு இருக்கும் என தெரிவித்துள்ளார். ஏற்கனவே பிரபல இசையமைப்பாளர் கங்கை அமரன் தனது ஆதரவை ஓபிஎஸ் அவர்களுக்கு தெரிவித்துள்ளார் என்பதை பார்த்தோம். கங்கை அமரன், கே.பாக்யராஜ் ஆகியோர்களை அடுத்து இன்னும் பல திரையுலகினர் ஓபிஎஸ் அவர்களுக்கு ஆதரவு தெரிவிக்கவுள்ளதாக கோலிவுட் வட்டாரம் கூறுகிறது.