యువ స‌మ్రాట్ నాగ చైత‌న్య హీరోగా సోగ్గాడే చిన్ని నాయ‌నా ఫేమ్ క‌ళ్యాణ్ కృష్ణ ద‌ర్శ‌క‌త్వంలో ఓ చిత్రం రూపొందుతుంది. ఈ చిత్రాన్ని అన్న‌పూర్ణ స్టూడియోస్ బ్యాన‌ర్ పై అక్కినేని నాగార్జున నిర్మిస్తున్నారు. ఈ చిత్రంలో చైతు స‌ర‌స‌న స‌మంత న‌టిస్తుంది అని చిత్ర యూనిట్ గ‌తంలో క‌న్ ఫ‌ర్మ్ చేసింది. ఆత‌ర్వాత ఏమైందో ఏమో కానీ....స‌మంత ప్లేస్ లో ర‌కుల్ ప్రీత్ సింగ్ వ‌చ్చింది.

ఇదిలా ఉంటే...ఈ చిత్రానికి క‌ళ్యాణం అనే టైటిల్ క‌న్ ఫ‌ర్మ్ చేసారంటూ ప్ర‌చారం జ‌రుగుతుంది. ఇదే విష‌యం గురించి డైరెక్ట‌ర్ క‌ళ్యాణ్ కృష్ణ ని సంప్ర‌దిస్తే...రొమాంటిక్ ఫ్యామిలీ ఎంట‌ర్ టైన‌ర్ గా ఈ చిత్రం ఉంటుంది. ఈ చిత్రానికి క‌ళ్యాణం టైటిల్ అని ప్ర‌చారం జ‌రుగుతుంది కానీ...ఇంకా ఏ టైటిల్ ఫైన‌ల్ చేయ‌లేదు. షూటింగ్ ఆగ‌ష్టులో ప్రారంభించ‌నున్నాం అని తెలియ‌చేసారు. ఈ చిత్రానికి అనూప్ సంగీతాన్ని అందిస్తున్నారు. ద‌ర్శ‌కుడుగా తొలి చిత్రంతోనే బ్లాక్ బ‌ష్ట‌ర్ అందించిన క‌ళ్యాణ్ కృష్ణ చైతుతో చేసే చిత్రంతో కూడా బ్లాక్ బ‌ష్ట‌ర్ అందిస్తార‌ని ఆశిద్దాం.