மனைவி, 3 குழந்தைகளுடன் வைரலாகும் ஹரி ஃபேமிலி புகைப்படம்!
- IndiaGlitz, [Saturday,February 13 2021]
தமிழ் சினிமாவில் அதிக ஹிட் கொடுத்த இயக்குனர்களில் ஒருவர் ஹரி என்பது அனைவரும் அறிந்ததே. பிரசாந்த், சிம்ரன் நடித்த ’தமிழ்’ என்ற திரைப்படத்தின் மூலம் இயக்குனராக அறிமுகமான ஹரி, அதன் பின்னர் சாமி, அருள், அய்யா, ஆறு, தாமிரபரணி உள்பட பல வெற்றி திரைப்படங்களை இயற்றினார்.
ஹரி இயக்கத்தில் சூர்யா நடிப்பில் உருவாகிய சிங்கம் சீரியஸ் படங்கள் மிகப்பெரிய வெற்றி பெற்றன என்பது குறிப்பிடத்தக்கது. இந்த நிலையில் இயக்குனர் ஹரி பிரபல குணசித்திர நடிகர் விஜயகுமாரின் மகள் ஃப்ரீதாவை திருமணம் செய்த நிலையில் இந்த தம்பதிக்கு 3 மகன்கள் உள்ளனர்.
ஹரி, ப்ரீதா புகைப்படங்கள் அவ்வப்போது சமூக வலைதளங்களில் வலம் வந்தாலும் தற்போது மிகவும் அரிதாக மூன்று குழந்தைகளுடன் ஹரி மற்றும் ப்ரீதா தம்பதி இருக்கும் புகைப்படம் ஒன்று சமூக வலைத்தளங்களில் வெளிவந்து வைரலாகி வருகிறது. இந்த புகைப்படத்திற்கு நெட்டிசன்கள் வாழ்த்துக்களை தெரிவித்து வருகின்றனர்.
இயக்குனர் ஹரி தற்போது அருண்விஜய் நடிக்கவிருக்கும் படத்தை இயக்கவுள்ளார் என்பதும் இந்த படத்தின் ஆரம்பகட்ட பணிகள் விறுவிறுப்பாக நடைபெற்று வருகிறது என்பதும் குறிப்பிடத்தக்கது.