மணிரத்னம் படத்தில் இருந்து விலகிய பிரபலம்: என்ன காரணம்?
- IndiaGlitz, [Sunday,December 27 2020]
பிரபல இயக்குனர் மணிரத்னம் தற்போது ’பொன்னியின் செல்வன்’ என்ற பிரமாண்டமான சரித்திர திரைப்படத்தை இயக்கி வருகிறார் என்பதும் இந்த படத்தின் அடுத்தகட்ட படப்பிடிப்பு வரும் ஜனவரியில் தொடங்க உள்ளது என்பதும் குறிப்பிடத்தக்கது
இந்த நிலையில் மணிரத்னம் தற்போது ஓடிடி பிளாட்பாரத்திற்காக ‘நவரசா’ என்ற ஆந்தாலஜி திரைப்படத்தை தயாரித்து வருகிறார். இந்த திரைப்படத்தை கார்த்திக் நரேன், கார்த்திக் சுப்புராஜ், கே.வி. ஆனந்த், பிஜாய் நம்பியார், பொன்ராம், கவுதம் மேனன், ரதீந்திரன் பிரசாத், ஹலீதா ஷமீம், அரவிந்த்சாமி ஆகிய 9 இயக்குனர்கள் இயக்கவுள்ளதாக அறிவிக்கப்பட்டிருந்தது
இந்த நிலையில் இந்த படத்தின் ஒரு பகுதியை இயக்குவதாக இருந்த ஹலிதா ஷமீம் தற்போது விலகி உள்ளதாக தெரிகிறது. அவருக்கு பதிலாக இயக்குனர் சர்ஜுன் ஒப்பந்தமாகியுள்ளார். ஹலீதா ஷமீம் இயக்கி வரும் ’ஏலே’ மற்றும் ’மின்மினி’ ஆகிய படங்களின் போஸ்ட் புரடொக்ஷன் பணிகள் இருப்பதால் ‘நவரசா’ படத்திலிருந்து விலகிவிட்டதாக கூறப்படுகிறது