'கொரோனா குமார்' படம் டிராப்பா? இயக்குனர் கோகுல் விளக்கம்
- IndiaGlitz, [Friday,March 11 2022]
சிம்பு நடிப்பில் இயக்குனர் கோகுல் இயக்கத்தில் உருவாக இருக்கும் ’கொரோனா குமார்’ திரைப்படத்தின் படப்பிடிப்பு விரைவில் தொடங்க இருப்பதாக கடந்த சில வாரங்களுக்கு முன் செய்திகள் வெளியானது. இந்த நிலையில் திடீரென சிம்புவுக்கும் தயாரிப்பாளருக்கும் இடையே ஏற்பட்ட சம்பள பிரச்சனை காரணமாக இந்த படம் நிறுத்தப்பட்டதாக ஒருசில ஊடகங்களில் செய்தி வெளியானது.
இந்த நிலையில் இயக்குனர் கோகுல் இது குறித்து விளக்கமளித்துள்ளார். ’கொரோனா குமார்’ திரைப்படம் குறித்து வெளிவந்து கொண்டிருக்கும் செய்திகள் அனைத்தும் உண்மையானவை அல்ல என்றும் இந்த படத்தின் படப்பிடிப்பு விரைவில் தொடங்கும் என்றும் அவர் தெரிவித்துள்ளார்.
சிம்பு தற்போது ’வெந்து தணிந்தது காடு’ படத்தின் படப்பிடிப்பில் உள்ளதை அடுத்து அந்த படப்பிடிப்பை முடித்த உடன் அவர் ’கொரோனா குமார்’ படப்பிடிப்பில் கலந்து கொள்வார் என்றும் அவர் கூறினார். மேலும் இந்த படத்தில் முக்கிய வேடத்தில் பகத் பாசில் நடிக்க உள்ளார் என்றும் விஜய்சேதுபதி ஒரு சிறப்பு தோற்றத்தில் நடிக்கவும் வாய்ப்பு இருப்பதாகவும் அவர் தெரிவித்தார். இதனை அடுத்து ’கொரோனா குமார்’ திரைப்படம் டிராப் என டிராப் என வெளிவந்த செய்திகள் அனைத்தும் வதந்தி என்பது உறுதி செய்யப்பட்டுள்ளது.