பிரபல தமிழ் திரைப்பட இயக்குனர் ஒருவர் ஜோதிடம் என்பது ஒரு பிராடு என்பது உறுதி செய்யப்பட்டு விட்டதாக தனது டுவிட்டரில் பதிவு செய்து இருப்பது பெரும் பரபரப்பை ஏற்படுத்தி உள்ளது.

தமிழகத்தில் சட்டமன்ற தேர்தல் கடந்த சில நாட்களுக்கு முன்னர் நடந்த போது தேர்தல் பிரச்சாரத்தின் போது பல அதிமுக மற்றும் பாஜகவினர் தமிழக முதல்வர் ஆகும் ராசி முக ஸ்டாலினுக்கு இல்லை என்று கூறினர்.

இந்த நிலையில் சட்டமன்ற தேர்தலில் திமுக கூட்டணி அமோக வெற்றி பெற்று இன்று தமிழக முதல்வராக முக ஸ்டாலின் அவர்கள் பதவி ஏற்றுக் கொண்டதை அடுத்து பிரபல இயக்குனர் சி எஸ் அமுதன் தனது டுவிட்டர் பக்கத்தில் தற்போது ஜோதிடம் என்பது முழுக்க முழுக்க பிராடு என்பது உறுதி செய்யப்பட்டுள்ளது என்று குறிப்பிட்டுள்ளார். இந்த ட்விட் தற்போது வைரலாகி வரும் நிலையில் இந்த ட்விட்டிற்கு பாசிட்டிவ் மற்றும் நெகட்டிவ் கமென்ட்ஸ்கள் பதிவாகி வருகிறது.

இயக்குனர் சிஎஸ் அமுதன், சிவா நடித்த ‘தமிழ்ப்படம்’ மற்றும் ‘தமிழ்ப்படம் 2’ ஆகிய படங்களை இயக்கியுள்ள நிலையில் தற்போது அடுத்த படத்திற்கான பணிகளில் இருக்கிறார் என்றும் அது குறித்து அறிவிப்பு விரைவில் வெளியாகும் என்றும் கூறப்பட்டு வருகிறது.

...and now officially, astrology is a fraud.

— CS Amudhan (@csamudhan) May 7, 2021