'సోగ్గాడే చిన్ని నాయ‌నా, రారండోయ్ వేడుక చూద్దాం' చిత్రాల‌తో బ్యాక్ టు బ్యాక్ విజ‌యాల‌ను అందుకున్న ద‌ర్శ‌కుడు క‌ళ్యాణ్ కృష్ణ‌. ప్ర‌స్తుతం ఈ యువ ద‌ర్శ‌కుడు మాస్ మ‌హారాజా ర‌వితేజతో 'నేల టిక్కెట్టు' అనే కుటుంబ‌క‌థా చిత్రాన్ని తెర‌కెక్కిస్తున్న సంగ‌తి తెలిసిందే. ఇప్ప‌టికే 60 శాతం షూటింగ్ జ‌రుపుకున్న ఈ సినిమా.. మే 24న విడుద‌ల అయ్యే దిశ‌గా నిర్మాణం జ‌రుపుకుంటోంది.

ఆస‌క్తిక‌ర‌మైన విష‌య‌మేమిటంటే.. క‌ళ్యాణ్ కృష్ణ గ‌త చిత్రం 'రారండోయ్ వేడుక చూద్దాం' చిత్రం కూడా గ‌తేడాది ఇదే మే నెలలో (మే 26) విడుద‌లై విజ‌యం సాధించ‌డం. స‌రిగ్గా ఏడాది త‌రువాత అదే స‌మ‌యంలో వ‌స్తున్న కొత్త చిత్రంతో కళ్యాణ్ కృష్ణ‌.. మ‌రో విజ‌యాన్ని త‌న ఖాతాలో వేసుకుని హ్యాట్రిక్ విజ‌యం అందుకుంటారేమో చూడాలి.  మాళ‌వికా శ‌ర్మ క‌థానాయిక‌గా న‌టిస్తున్న ఈ చిత్రంలో జ‌గ‌ప‌తిబాబు ప్ర‌తినాయ‌కుడిగా న‌టిస్తున్నారు. ఫిదా చిత్రానికి సంగీత‌మందించిన శ‌క్తికాంత్ కార్తీక్ ఈ చిత్రానికి స్వ‌రాల‌ను అందిస్తున్నారు.