వివాదంపై ద‌ర్శ‌కుడి వివ‌ర‌ణ
- IndiaGlitz, [Saturday,July 06 2019]
డైరెక్ట‌ర్ హరీశ్ శంక‌ర్ ప్ర‌స్తుతం 'వాల్మీకి' సినిమాను తెర‌కెక్కిస్తోన్న సంగ‌తి తెలిసిందే. వ‌రుణ్ తేజ్ హీరోగా న‌టిస్తున్నారు. ఈ సినిమా టైటిల్‌పై అనంత‌పురానికి చెందిన వాల్మీకి సంఘం అభ్యంత‌రాన్ని వ్య‌క్తం చేసింది. స్థానికంగా పోలీసుల‌కు ఫిర్యాదు కూడా చేశారు. ఇటీవ‌ల షూటింగ్ కోసం అక్క‌డ‌కు వెళ్లిన వాల్మీకి యూనిట్‌ను అక్కడ వాల్మీకి సంఘం అడ్డుకుంది. దీనిపై హరీశ్ ట్విట్ట‌ర్ వేదిక‌గా స్పందించారు.
'మేం వాల్మీకి సంఘం అభిప్రాయాల్ని గౌర‌విస్తాం. వాల్మీకిని పూజించిన రాముడు యుద్ధం చేశాడు. మా సినిమాలో హీరో పేరు వాల్మీకి కాదు' అన్నారు. త‌మిళ చిత్రం 'జిగ‌ర్ తండా'కు ఇది రీమేక్‌. ఇందులో హీరో గ్యాంగ్‌స్ట‌ర్ పాత్ర‌లో క‌నిపిస్తారు. పూజా హెగ్డే హీరోయిన్‌గా న‌టిస్తుంది. సెప్టెంబ‌ర్ 6న 'వాల్మీకి' చిత్రాన్ని విడుద‌ల చేయ‌డానికి స‌న్నాహాలు చేస్తున్నారు.