விஜய் நடித்து முடித்துள்ள 'புலி' படத்தின் பிரஸ்மீட் இன்று சென்னையில் நடைபெற்று வருகிறது. மறைந்த முன்னாள் குடியரசு தலைவர் அப்துல் கலாம் அவர்களுக்கு முதலில் புலி படக்குழுவினர் மெளன அஞ்சலி செலுத்தினர்.

இந்த பிரஸ் மீட்டில் இருந்து கிடைத்த சில தகவல்கள்:

பி.டி.செல்வகுமார்: விஜய் படத்தில் இருக்கும் அனைத்து கமர்ஷியல் அம்சங்களும் 'புலி' படத்தில் உள்ளது. அதே நேரத்தில் இதுவரை விஜய் படத்தில் இடம்பெறாத சில விஷயங்களும் இதில் பார்க்கலாம்.

புலி படத்தின் கம்ப்யூட்டர் கிராபிக்ஸ் பணிகள் ஏழு நாடுகளில் ஆர்.சி.கமலக்கண்ணன் அவர்களின் மேற்பார்வையில் விறுவிறுப்பாக நடைபெற்று வருகிறது. நான் ஈ, மகதீரா ஆகிய படங்களுக்கு இவர்தான் சிஜி பணிகள் செய்தார் என்பது குறிப்பிடத்தக்கது.

ஷிபுதமீன்: மிகப்பெரிய வெற்றி பெற்ற தெலுங்கு படத்தில் நடிக்க வந்த வாய்ப்பை ஸ்ரீதேவி தவிர்த்தார். ஆனால் சிம்புதேவனின் வித்தியாசமான கதைக்காக அவர் இந்த படத்தில் நடிக்க ஒப்புக்கொண்டார். இந்த படத்தின் வித்தியாசமான கதையை கேட்டதுமே ஸ்ரீதேவியின் முகம் பிரகாசமானது. உடனடியாக எவ்வித மறுப்பும் தெரிவிக்காமல் இந்த படத்தில் நடிக்க அவர் ஒப்புக்கொண்டார்

தேவிஸ்ரீ பிரசாத்: 'புலி' போன்ற வித்தியாசமான முயற்சியை விஜய் போன்ற பெரிய ஸ்டார் ஒப்புக்கொண்டு நடித்ததற்கு முதலில் நன்றியை தெரிவித்து கொள்கிறேன்.