గుంటూరు టాకీస్ చిత్రంలో త‌న అంద‌చందాల‌తో ఆక‌ట్టుకున్న రేష్మి తాజా చిత్రం అంతం. ఈ చిత్రాన్ని నూత‌న ద‌ర్శ‌కుడు క‌ళ్యాణ్ తెర‌కెక్కించారు. హాట్ యాంక‌ర్ రేష్మి న‌టించిన చిత్రం కావ‌డంతో అంతం అంద‌రి దృష్టిని ఆక‌ర్షించింది. ఈ చిత్రం ఈరోజు రిలీజైంది. అయితే...అంతం సినిమా ఎలా ఉంది అనే విష‌యాన్ని ప‌క్క‌న‌పెడితే...అంతం సినిమా ప్ర‌మోష‌న్స్ లో ఎక్క‌డా రేష్మి క‌నిపించ‌డం లేదు.

ఎందుకు అంతం సినిమా ప్ర‌మోష‌న్స్ లో క‌నిపించ‌డం లేదు అని రేష్మిని అడిగితే....ఈ సినిమా డైరెక్ట‌ర్ క‌ళ్యాణ్ నాకు చెప్పిన క‌థ ఒక‌టి... తీసింది మ‌రోక‌టి. వారం రోజుల్లో సినిమా తీస్తాను అని చెప్పాడు. కొత్త డైరెక్ట‌ర్ ఎంకరేజ్ చేద్దాం అనే ఉద్దేశ్యంతో ఈ సినిమా చేసాను. అయితే...నాకు క‌నీసం చెప్ప‌కుండానే ఫ‌స్ట్ లుక్ రిలీజ్ చేసారు. ట్రైల‌ర్ లో చూపించిన కంటెంట్ సినిమాలో ఉండ‌దు. ఎందుకిలా చేసారు అంటే యూత్ ని ఆక‌ట్టుకోవ‌డానికి అంటున్నారు. నాకు ఒక క‌థ చెప్పి ఇంకో క‌థ‌ను తీసి ఈ చిత్ర ద‌ర్శ‌కుడు క‌ళ్యాణ్ న‌న్నుమోసం చేసాడు. అందుక‌నే అంతం ప్ర‌మోష‌న్స్ లో పాల్గొన‌డం లేదు. ఈ సినిమాకి నాకు ఎలాంటి సంబంధం లేదు అంటూ త‌న ఆవేద‌న‌ను వ్య‌క్తం చేసింది రేష్మి.