శభాష్ నాయుడు డైరెక్టర్ మారాడు..
- IndiaGlitz, [Tuesday,June 14 2016]
క‌మ‌ల్ హాస‌న్, శృతి హాస‌న్ తొలిసారి కలిసి న‌టిస్తున్న చిత్రం శభాష్ నాయుడు. ఈ చిత్రంలో క‌మ‌ల్ కుమార్తెగా శృతి హాస‌న్ న‌టిస్తుండ‌గా, క‌మ‌ల్ భార్య‌గా రమ్యకృష్ణ న‌టిస్తుంది.ఈ చిత్రానికి ల‌య‌రాజా ఇళయరాజా సంగీత అందిస్తున్నారు. కమలహాసన్ చిత్ర నిర్మాణ సంస్థ రాజ్‌కమల్ ఇంటర్నేషనల్, లైకా ఫిలింస్‌తో కలిసి నిర్మిస్తున్న ఈ భారీ చిత్రానికి మలయాళ ప్రముఖ దర్శకుడు రాజీవ్‌కుమార్ దర్శకత్వం వహిస్తున్నారు.
ఇటీవ‌లే అమెరికాలో షూటింగ్ ప్రారంభించిన క‌మ‌ల్ ఈ చిత్ర ద‌ర్శ‌కుడిని మార్చేశారు. ఇంత‌కీ విష‌యం ఏమిటంటే...అమెరికాలోని లాస్‌ఏంజెల్స్‌లో షూటింగ్ ప్రారంభమైన నాలుగో రోజునే దర్శకుడు రాజీవ్‌కుమార్ తీవ్ర అనారోగ్యానికి గురయ్యార‌ట. ఐరోపా, ఉత్తర అమెరికా ప్రాంతాలలో సోకే అరుదైన లైమ్ అనే వ్యాధి సోకింద‌ట. దీంతో దర్శకుడు రాజీవ్ కుమార్ కి లాస్‌ఏంజెల్స్‌లోని ఆస్పత్రిలో చికిత్స పొందుతున్నార‌ట.అందుక‌నే రాజీవ్ కుమార్ కోలుకునే వ‌ర‌కు శభాష్ నాయుడు చిత్రానికి త‌నే దర్శకత్వం వ‌హించ‌నున్న‌ట్టు క‌మ‌ల్ తెలియ‌చేసారు. ఇది శభాష్ నాయుడు డైరెక్టర్ మార‌డం వెన‌క ఉన్న అస‌లు కథ.