మెగా ప‌వ‌ర్ స్టార్ రామ్ చ‌ర‌ణ్ హీరోగా ప‌వ‌ర్ స్టార్ ప‌వ‌న్ క‌ళ్యాణ్ ఓ చిత్రాన్ని నిర్మించ‌నున్నార‌న్న విష‌యం తెలిసిందే. ఇటీవ‌ల స‌ర్ధార్ సెట్ లో బాబాయ్ ప‌వ‌న్ ని అబ్బాయ్ చ‌ర‌ణ్ క‌ల‌సి సినిమా గురించి చ‌ర్చించారు. ప్ర‌స్తుతం స్ర్కిప్ట్ వ‌ర్క్ జ‌రుగుతోంది. వ‌చ్చే సంవ‌త్స‌రం ప్ర‌థ‌మార్ధంలో ఈ సినిమా ప్రారంభం అవుతుంద‌ని చెప్పారు.

కానీ ద‌ర్శ‌కుడు ఎవ‌ర‌నేది మాత్రం చెప్ప‌లేదు. అయితే అబ్బాయి చ‌ర‌ణ్ తో బాబాయ్ ప‌వ‌న్ నిర్మించే చిత్రానికి ప‌వ‌న్ సన్నిహితుడు మాట‌ల మాంత్రికుడు త్రివిక్ర‌మ్ శ్రీనివాస్ ద‌ర్శ‌కుడు అని ప్ర‌చారం జ‌రిగింది. కానీ తాజాగా త్రివిక్ర‌మ్ తో పాటు ప్రేమ‌క‌థా చిత్రాల స్పెష‌లిస్ట్ సుకుమార్ పేరు కూడా వినిపిస్తోంది. సుకుమార్ ప్ర‌స్తుతం ఎన్టీఆర్ తో నాన్న‌కు ప్రేమ‌తో..సినిమా చేస్తున్నారు.మ‌రి..చ‌ర‌ణ్ తో ప‌వ‌న్ నిర్మించే చిత్రానికి ద‌ర్శకుడు త్రివిక్ర‌మ్ శ్రీనివాసా...? సుకుమారా..? ఎవ‌ర‌నేది తెలియాలంటే కొన్ని రోజులు ఆగాల్సిందే.