సుకుమార్‌కి చాలెంజ్ విసిరిన ద‌ర్శ‌కుడు...
- IndiaGlitz, [Tuesday,October 16 2018]
కుర్ర ద‌ర్శ‌కుడు.. ఓ సినిమా కూడా విడుదల కాలేదు. చేసిన ఓ సినిమా ఈ నెల 26న విడుద‌ల‌వుతుంది. దాని ఫ‌లితం ఎలా ఉంటుందో తెలియ‌దు. కానీ .. ఆ కుర్ర ద‌ర్శ‌కుడు మాత్రం త‌న సినిమాపై చాలా కాన్ఫిడెంట్‌గా ఉన్నాడు. ఆ ద‌ర్శ‌కుడే ఇంద్ర.ఆర్‌.. ఇత‌ను డైరెక్ట్ చేసిన వీర భోగ వసంత రాయలు సినిమా 26న విడుద‌ల‌వుతుంది. కాన్సెప్ట్ ప్ర‌ధానంగా సాగే ఈ చిత్రంలో నారారోహిత్‌, సుధీర్ బాబు, శ్రీవిష్ణు, శ్రియ ప్ర‌ధాన పాత్ర‌ధారులు.
ఈ సినిమా ట్రైల‌ర్ విడుదల కార్య‌క్ర‌మంలో త‌న‌కు రాజ‌మౌళి, సుకుమార్ డైరెక్ష‌న్ అంటే ఇష్ట‌మన్న ద‌ర్శ‌కుడు ఇంద్ర.. సుకుమార్‌గారి కాన్సెప్ట్ సినిమాల‌ను తాను ఇష్ట‌ప‌డ‌తాన‌ని.. భ‌విష్య‌త్‌తో ఆయ‌న‌కు పోటీగా సినిమాలు చేస్తాన‌ని స్టేజ్‌పైనే సుకుమార్ స‌మ‌క్షంలోనే చెప్ప‌డం విశేషం. అయితే సినిమా చూసిన సుకుమార్ ఐడియా ప‌రంగా తాను ఇంద్ర కంటే వెన‌కే ఉన్నాన‌ని అనడం కొస మెరుపు.