மக்கள் செல்வன் விஜய் சேதுபதி நடித்த ’நடுவுல கொஞ்சம் பக்கத்த காணோம்’ என்ற திரைப்படத்தின் மூலம் தமிழ் சினிமாவில் இயக்குனராக அடியெடுத்து வைத்தவர் பாலாஜி தரணிதரன். இந்த திரைப்படம் மிகப் பெரிய வெற்றி அடைந்ததை அடுத்து அவருடைய அடுத்த படமான ’சீதக்காதி’ என்ற படமும் நல்ல வரவேற்பை பெற்றது.

இந்த நிலையில் கடந்த 2014ஆம் ஆண்டு பாலாஜி தரணிதரன் இயக்கிய திரைப்படம் ’ஒரு பக்க கதை’. காளிதாஸ் ஜெயராம் மற்றும் மேகா ஆகாஷ் முக்கிய வேடத்தில் நடித்து இருந்த இந்த படம் ரிலீசுக்கு தயாராகி ஒரு சில வருடங்கள் ஆகிவிட்ட போதிலும் சில பிரச்சனைகள் காரணமாக ரிலீசாகாமல் இருந்தது.

இந்த நிலையில் தற்போது இந்த படம் வரும் கிறிஸ்துமஸ் தினத்தில் அதாவது டிசம்பர் 25ல் ஓடிடியில் வெளியாக இருப்பதாக அறிவிக்கப்பட்டுள்ளது. இதனையடுத்து இந்த படத்தின் புரமோஷனும் தற்போது தொடங்கிவிட்டது

கோவிந்த் வசந்தா இசையில், பிரேம்குமார் ஒளிப்பதிவில் அந்தோனி இயக்கத்தில் உருவாகிய இந்த படத்தை வாசன் விஷூவல் வெண்ட்சர்ஸ் என்ற நிறுவனம் தயாரித்துள்ளது

Official: Tamil film #OruPakkaKadhai starring @kalidas700 @akash_megha comes directly to Zee5, December 25th. pic.twitter.com/s1B3mhDyaF

— LetsOTT GLOBAL (@LetsOTT) December 7, 2020