தனுஷூக்கு பதிலாக சித்தார்த்தை தேர்வு செய்த பிரபல இயக்குனர்!
- IndiaGlitz, [Monday,July 12 2021]
தனுஷ் நடித்த இரண்டு வெற்றி படங்களை இயக்கிய பிரபல இயக்குனர் ஒருவர் மூன்றாவதாக தனுஷை வைத்து இயக்க இருப்பதாக செய்திகள் வெளியான நிலையில் தற்போது சித்தார்த் படத்தை இயக்க உள்ளதாக செய்திகள் வெளியாகி உள்ளது.
தனுஷ் நடித்த ’மாரி’ ’மாரி 2’ ஆகிய இரண்டு சூப்பர் ஹிட் படங்களை இயக்கியவர் இயக்குனர் பாலாஜி மோகன். இவர் மீண்டும் தனுஷ் நடிக்கும் படத்தை இயக்குவார் என செய்தி வெளியான நிலையில் தனுஷ் தற்போது பிசியாக இருப்பதால் அதற்கு முன் சித்தார்த் நடிக்கும் படத்தை இயக்க முடிவு செய்துள்ளதாக கூறப்படுகிறது.
ஏற்கனவே பாலாஜி மோகன் இயக்கத்தில் ’காதலில் சொதப்புவது எப்படி’ என்ற படத்தில் சித்தார்த் நடித்திருக்கிறார் என்பதும், தற்போது மீண்டும் பாலாஜி மோகனுடன் சித்தார்த் இணைகிறார் என்பதும் குறிப்பிடத்தக்கது. இந்த படத்தை ஒய்நாட் ஸ்டுடியோ என்ற நிறுவனம் தயாரிக்க இருப்பதாகவும் இந்த படம் குறித்த அதிகாரப்பூர்வ அறிவிப்பு விரைவில் வெளியாகும் என்றும் கூறப்படுகிறது.
நடிகர் சித்தார்த் தற்போது ’மகாசமுத்திரம்’ ’சைத்தான் கே பச்சா’ ’டக்கர்’ மற்றும் ’இந்தியன் 2’ ஆகிய திரைப்படங்களில் நடித்து வருகிறார் என்பது குறிப்பிடத்தக்கது.