புதுமுக நடிகை அதிதிபாலன் நடிப்பில் அருண்குமார் இயக்கிய 'அருவி' திரைப்படம் இந்த நூற்றாண்டின் மிகச்சிறந்த படங்களில் ஒன்று என அனைத்து ஊடகங்களும் பாராட்டுக்கள் தெரிவித்தன. அதுமட்டுமின்றி சூப்பர் ஸ்டார் ரஜினிகாந்த், பிரமாண்ட இயக்குனர் ஷங்கர் முதல் அனைத்து தரப்பினர்களும் படக்குழுவினர்களை குறிப்பாக நாயகி அதிதிபாலனுக்கு பாராட்டு தெரிவித்தனர்

இந்த நிலையில் தேசிய விருது பெற்ற பிரபல இயக்குனர் பாலா அவர்களும் தற்போது அதிதிபாலன் உள்பட அருவி படக்குழுவினர்களை  நேரில் அழைத்து பாராட்டியுள்ளார். இந்த சந்திப்பு குறித்த் அதிதிபாலன் தனது சமூகவலைத்தளத்தில், 'என்ன சொல்வதென்றே தெரியவில்லை. மிகப் பெரிய இயக்குநரின் வாழ்த்தைப் பெற என்ன தவம் செய்தேன்.! இந்தச் சந்திப்பை என் வாழ்வில் என்றும் மறக்க மாட்டேன். அன்பும் நன்றியும் பாலா சார் என்று கூறியுள்ளார்.

மேலும் இந்த சந்திப்பு குறித்து இயக்குனர் அருண்பிரபு தனது சமூக வலைத்தளத்தில் 'பொருளுக்கு அலைந்திடும் பொருளற்ற வாழ்க்கையும் துரத்துதே நின் அருள் அருள் அருள் என்று அலைகின்ற மனம் இன்று பிதற்றுதே அருள் விழியால் நோக்குவாய் மலர் பதத்தால் தாங்குவாய் உன் திருக்கரம் எனை அரவணைத்துனதருள் பெற! என்று கூறியுள்ளார்.