தேசிய விருது பெற்ற இயக்குனர் பாலா இயக்கத்தில் உருவாகியுள்ள 'தாரை தப்பட்டை' திரைப்படத்தின் போஸ்ட் புரடொக்ஷன் பணிகள் விறுவிறுப்பாக நடைபெற்று வருகிறது. தற்போது இந்த படத்தின் டப்பிங் பணிகள் ஜெமினி லேப்பில் நடைபெற்று வருகிறது. விரைவில் போஸ்ட் புரடொக்ஷன் பணிகள் முடிவடைந்து இசை வெளியீட்டு விழா மற்றும் பட வெளியீட்டு விழா தேதிகள் அறிவிக்கப்படும் என எதிர்பார்க்கப்படுகிறது.

இந்நிலையில் இயக்குனர் பாலாவின் அடுத்த படம் குறித்த தகவல்கள் வெளிவந்துள்ளது. பாலாவின் அடுத்த படத்தில் விக்ரம் மற்றும் ஆர்யா நடிக்கவுள்ளதாகவும், இந்த படத்திற்கு 'கூட்டாஞ்சோறு' என்ற டைட்டில் வைக்கப்பட்டுள்ளதாகவும் கூறப்படுகிறது. ஏற்கனவே பாலாவின் இயக்கத்தில் சேது, பிதாமகன் போன்ற படங்களில் விக்ரமும், நான் கடவுள்', அவன் இவன்' ஆகிய படங்களில் ஆர்யாவும் நடித்துள்ளனர் என்பது குறிப்பிடத்தக்கது.

முதல்முறையாக விக்ரம், ஆர்யா ஆகிய இருவரும் இணைவதோடு, பாலாவின் இயக்கத்தில் இந்த படம் உருவாகவிருப்பதால் பெரும் எதிர்பார்ப்பை ஏற்படுத்தியுள்ளதாக கூறப்படுகிறது.