சமீபத்தில் இயக்குனர் இமயம் பாரதிராஜா தனது கனவுப்படமான 'குற்றப்பரம்பரை' படத்தின் பூஜையை வெற்றிகரமாக நடத்தினார் என்பதை பார்த்தோம். 'குற்றப்பரம்பரை சட்ட வரலாற்றை மையமாகக் கொண்ட மற்றொரு படத்தை பிரபல இயக்குனர் பாலாவும் இயக்கவுள்ளதாகவும் இதுகுறித்து இருவருக்கும் இடையே கருத்துவேறுபாடுகள் ஏற்பட்டதாகவும் கூறப்பட்டது.

இந்நிலையில் இந்த படத்தை இயக்குனர் பாலா வரும் 2017ஆம் ஆண்டு ஜனவரி முதல் தொடங்கவுள்ளதாக கூறப்படுகிறது. இந்த படத்தில் ஒரு பெரிய நட்சத்திர கூட்டமே நடிக்கவுள்ளதாகவும் குறிப்பாக அரவிந்தசாமி, விஷால், ஆர்யா, ராணா, அதர்வா ஆகியோர் முக்கிய வேடங்களை ஏற்கவுள்ளதாகவும் கூறப்படுகிறது.

'குற்றப்பத்திரிகை' படத்திற்கு பூஜை போட்டுள்ள பாரதிராஜா விரைவில் படப்பிடிப்பை தொடங்குவார் என எதிர்பார்க்கப்படும் நிலையில் பாலாவும் ஜனவரி முதல் படப்பிடிப்பை தொடங்கவுள்ளதாக வெளிவந்துள்ள செய்தி கோலிவுட் திரையுலகில் பரபரப்பை ஏற்படுத்தியுள்ளது.