'குற்றப்பரம்பரை'யை பின்னுக்கு தள்ளிய பாரதிராஜா-பாலா
- IndiaGlitz, [Thursday,August 04 2016]
கடந்த சில மாதங்களுக்கு முன்னர் 'குற்றப்பரம்பரை' கதை கொண்ட படத்தை யார் இயக்குவது? என்று இயக்குனர்கள் பாரதிராஜா, பாலா இடையே கடும் போட்டி ஏற்பட்டது. இந்த படத்திற்காக பாரதிராஜா பிரமாண்டமான பூஜை நடத்தினார். அதேபோல் பாலாவும் இந்த படத்தில் நடிக்கவுள்ள நட்சத்திரங்களை தேர்வு செய்தார்.
இந்நிலையில் பாரதிராஜா, பாலா ஆகிய இருவருமே 'குற்றப்பரம்பரை' படத்தை பின்னுக்கு தள்ளிவிட்டு தற்போது வேறு படங்களில் கவனம் செலுத்தி வருவதாக செய்திகள் வெளிவந்துள்ளது.
பாரதிராஜா 'அலைகள் ஓய்வதில்லை 2' படத்தின் படப்பிடிப்பை விரைவில் தொடங்கவுள்ளதாக ஏற்கனவே செய்திகள் வெளிவந்த நிலையில் தற்போது பாலாவும் புதுமுகங்கள் நடிக்கும் படம் ஒன்றை தொடங்க திட்டமிட்டுள்ளாராம். இந்த படத்திற்காக நடிகர், நடிகைகளை தேடும் பணியில் பாலா இருப்பதாகவும், இந்த படத்தை முடித்துவிட்டு வேலராமமூர்த்தியின் குற்றப்பரம்பரை கதையை அவர் இயக்க திட்டமிட்டுள்ளதாகவும் கூறப்படுகிறது.