మళ్ళీ డైరెక్టర్ ఎటాక్..
- IndiaGlitz, [Saturday,April 15 2017]
జాతీయ అవార్డుల జ్యూరీ ఒత్తిళ్ళ‌కు త‌లొగ్గి అవార్డుల‌ను ప్ర‌క‌టించింద‌ని ఘాటుగా స్పందించాడు స్టార్ డైరెక్టర్ ఎ.ఆర్‌.మురుగ‌దాస్. అవార్డు క‌మిటీ ఛైర్మ‌న్ ప్రియదర్శన్, అక్ష‌య్‌కుమార్‌కు మంచి స్నేహితుడు కాబ‌ట్టే ఉత్త‌మ న‌టుడు అవార్డును అత‌నికే ఇచ్చాడ‌ని వార్త‌లు వ‌చ్చాయి.
అయితే అక్ష‌య్‌కుమార్ మురుగ‌దాస్‌తో సినిమా చేయ‌నన్నాడ‌నే కార‌ణంతోనే అలా అంటున్నాడ‌ని, మురుగ‌దాస్ పేరు ప్ర‌స్తావించ‌కుండా ప్రియదర్శన్ కామెంట్ చేశాడు. కానీ ఈ కామెంట్‌కు ధీటుగా మురుగ‌దాస్ ట్విట్ట‌ర్‌లో బ‌దులిచ్చాడు. నిజాల‌ను నిగ్గు బ‌య‌ట‌కు తీయండి ఇది నా ఒక్క‌డి అభిప్రాయం కాదు, అందరి అభిప్రాయం అంటూ గ‌ట్టిగా బ‌దులిచ్చాడు. మ‌రిప్పుడు ప్రియదర్శన్ ఏమంటాడో చూడాలి.