అట్లీ తెలుగు చిత్రం అప్‌డేట్‌
- IndiaGlitz, [Wednesday,May 16 2018]
రాజా రాణి, పోలీస్, అదిరింది వంటి త‌మిళ అనువాద చిత్రాల‌తో తెలుగు ప్రేక్ష‌కుల‌కు ద‌గ్గ‌ర‌య్యారు యువ దర్శకుడు అట్లీ కుమార్. ‘అదిరింది’ చిత్రం తర్వాత అట్లీ.. తెలుగులో నేరుగా ఓ సినిమాని చేయబోతున్నార‌ని క‌థ‌నాలు వ‌చ్చాయి. అయితే.. ప్ర‌స్తుతం అట్లీ ఓ త‌మిళ చిత్రం చేసేందుకు ప్లాన్ చేసుకుంటున్నారు. ఆ త‌రువాత మాత్రం తెలుగులోనే చేయ‌బోతున్నాన‌ని.. ఓ స్టార్ హీరో ఇందులో న‌టించ‌నున్నార‌ని.. ప్ర‌స్తుతం ఆ దిశ‌గా చర్చలు కూడా జరుగుతున్నాయని.. అవి పూర్తయ్యాకే ఆ సినిమా గురించి ప్రకటిస్తానని చెప్పుకొచ్చారు అట్లీ.
అన్నీ కుదిరితే ఈ ఏడాది చివ‌రలో కానీ.. వ‌చ్చే ఏడాది ఆరంభంలో కానీ ఈ సినిమాపై క్లారిటీ వ‌చ్చే అవ‌కాశ‌ముంది. పాత క‌థ‌ల‌నే స‌రికొత్త క‌థ‌నాల‌తో తెర‌కెక్కిస్తాడ‌నే పేరున్న అట్లీ.. తెలుగు సినిమా కోసం ఎలాంటి క‌థ‌ని ఎంచుకుంటారో.. అది ఏ సినిమా ఆధారంగా తెర‌కెక్కునుందో తెలియాలంటే మ‌రికొంత కాలం వేచిచూడాల్సిందే.