ரஜினி படத்தை ஆரம்பிக்கும் முன் ஏ.ஆர்.முருகதாஸ் சென்ற இடம்!
- IndiaGlitz, [Friday,March 29 2019]
சூப்பர் ஸ்டார் ரஜினிகாந்த் ஒவ்வொரு படத்திலும் நடித்து முடித்தவுடன் திருப்பதி சென்று அந்த படத்தின் வெற்றிக்காக வழிபடுவதுண்டு. அந்த வகையில் ரஜினியின் அடுத்த படத்தை இயக்கவுள்ள இயக்குனர் ஏ.ஆர்.முருகதாஸ் தற்போது பழனி சென்று முருகனை வழிபட்டுள்ளார்.
ரஜினியின் அடுத்த படமான 'தலைவர் 166' திரைப்படத்தின் படப்பிடிப்பு வரும் ஏப்ரல் 10ஆம் தேதி தொடங்கவுள்ள நிலையில் இந்த படத்தின் படப்பிடிப்பு தொடங்கும் முன் பழனிமலை முருகன் கோவிலுக்கு சென்ற ஏ.ஆர்.முருகதாஸ், படம் நல்லபடியாகயாக உருவாகவும் வெற்றி பெறவும் வேண்டிக்கொண்டார். அவர் கோவிலில் பூசாரியுடன் நிற்பது போன்ற புகைப்படம் இணையத்தில் வைரலாகியுள்ளது.
ரஜினிகாந்த் ஜோடியாக மீண்டும் நயன்தாரா நடிக்கும் இந்த படத்திற்கு அனிருத் இசையமைக்கவுள்ளார். சந்தோஷ் சிவன் ஒளிப்பதிவில் உருவாகவிருக்கும் இந்த படம் ஆக்சன் கலந்த அரசியல் படமாக இருக்கும் என்றும், ரஜினியின் அரசியல் எண்ட்ரிக்கு இந்த படம் பொருத்தமாக இருக்கும் என்றும் கருதப்படுகிறது.